Question

Microsoft Excel-ге кіріспе. Microsoft Excel-мен танысу

Answer 1

Қысқа мерзімді сабақ жоспары

Пәні: Информатика	Мектебі: «Ұлықбек атындағы жалпы орта мектебі» коммуналдық мемлекеттік мекемесі
Күні: 15.02.17 ж.	Пән мұғалімінің аты-жөні: Джангабулова Ханзада Тастанбеккқызы
Сыныбы: 8 «А»	Қатысқандар саны: ________	Қатыспағандар саны: ______
Сабақтың тақырыбы:	Microsoft Excel-ге кіріспе. Microsoft Excel-мен танысу.
Сабақ негізделген оқу мақсаттары	Microsoft Excel электрондық кесте қандай бағдарлама, оны іске қосу жолдары мен терезесі туралы игерту және құралдар арқылы кесте құру мен сақтауға дағдыландыру.
Сабақ мақсаттары	Барлық оқушылар
Microsoft Excel электрондық кестені бағыттауды, қосуды, терезе элементтерін және сақтауды біледі.
Оқушылардың басым бөлігі
Microsoft Excel терезесінде сақтау және ашу, кесте құруды, өлшемін орнату тәсілдерін пайдалануды орындай алады.
Кейбір оқушылар
Microsoft Excel терезесінде элементтерін, құрал-саймандар тақтасын, пішімдеу тақтасын қолдана алады.
Тілдік мақсат	Оқушылар Терезе, жол, баған, ұяшық, кесте, өлшем сөзініңүш тілде аталуын біледі. Терезе -окно-window, қатар-строка- string, баған-столбец- column, ұяшық-ячейка-cell, кесте-таблица-table, өлшем-размер- -size, бет-лист- page
Негізгі сөздер мен тіркестер
Сақтау, ашу, кесте, құру, терезе, интерфейс.
Сыныптағы диалог үшін пайдалы тілдік бірліктер
1.Microsoft Excel электрондық кесте дегеніміз не? (Microsoft Excel – кесте ішінде есеп жұмыстарын атқара отырып, оларды көрнекі түрде бейнелейтін диаграммаларды тұрғызу, мәліметтер базасын құру, сан түрінде берілген мәліметтер арқылы эксперименттер жүргізу т.б мүмкіндіктер беретін, Windows ортасында жұмыс істеуге арналған арнайы бағдарламалық десте.) 2.Word пен Excel-дегі кесте құру жолдарын салыстыру.( Word-да кестелерді құрамыз, ал Excel-де дайын кестені қолданамыз ) 3.Кестеде қатар мен бағандар қалай белгіленеді? (қатар өсу ретімен нөмірленеді, ал бағандардың адресі латын алфавитінің А, В, ...Z әріптерімен белгіленеді) 4.Ұяшық неден тұрады? (қатар мен бағанның қиылысу ұяшық құрайды) 5.Қандай тәсілдерде файлдарды ашуға болады? (файл→создать) 6. Қандай тәсілдерде файлдарды сақтауға болады? (-файл →сохранить тәсілі; батырмасын басу арқылы, батырмасын басу арқылы)
Талқылауға арналған тармақтар
1. Электрондық кестелер дамуының тарихы 2. Excel-дің жұмыс кітабы дегенді қалай түсінесің? 3. Excel-де кестенің құрылымы 4. Excel-де жол мен баған өлшемін өзгерту 5. Excel-де элементтерді қосу және жою 6. Excel-де кестені толтыру
Алдыңғы тақырып	Өткен тақырып бойынша білімін тексеру. Тақырып: «Модельдеу кезеңдері». А деңгей. Модельдеу кезеңдері. В деңгей. Модель және модельдеу дегеніміз не? С деңгей. Ақпараттық модельдер нешеге бөлінеді, оларға сипаттама беріңдер. «БББ» стратегиясы арқылы өткен сабақты қалай меңгергенін бақылау, бағалау.
Жоспар
Жоспарланған уақыт есебі	Жоспарланған жаттығулар	Ресурстар

Answer 2

Басталуы 5 мин «Өрмекші торы» сергіту тәсілі Деңгейлік тапсырмалар 5 мин	Қызығушылықты ояту Ұйымдастыру кезеңі Оқушылармен сәлемдесу, түгендеу. Ынтымақтастық атмосферасын қалыптастыру «Өрмекші торы» сергіту тәсілін қолдану. (Менің қолымда орам жіп бар. Мен бір оқушыға өз лебізімді айтып, жіпті соған лақтырамын. Осылайша әркім өзінің достарына айтар тілегін бір сөзден білдіріп жіпті саусағына іледі де, сол оқушыға лақтырады. Ең соңында жіп орамы өзіме қайтып келу керек). Зат таңдау арқылы топқа бөлу (үш түрлі түсті (қызыл, көк, қоңыр)) конфет арқылы бөлінеді, конфеттер қапшыққа салынған. Оқушылар топ ережесін айтып, плакатқа шығып жазады. Үй жұмысын сұрау Өткен тақырып бойынша білімін тексеру. Тақырып: «Модельдеу кезеңдері». А деңгей. Модельдеу кезеңдері. (1. Модельдеу мақсаты нысанды талдау; 2. Модельді құру; 3. Компьютерлік модель; 4. Модельдеу нәтижесін талдау нәтиже мақсатқа сәйкес келеді, нәтиже мақсатқа сәйкес келмейді .) В деңгей. Модель және модельдеу дегеніміз не? (Нақты нысандарды /түпнұсқа/ зерттеу мақсатында адамның қолымен жасалған нысанды модель дейміз. Модель нақты нысанды, құбылысты немесе үдерісті қарапайым етіп түсіндіреді. Модельдеу - нысандарды, үдерістерді және құбылыстарды зерттеу үшін модель құру.) С деңгей. Ақпараттық модельдер нешеге бөлінеді, оларға сипаттама беріңдер. (Ақпараттық модель дегеніміз - нысанның, үдерістің, құбылыстың қасиеттері мен күйін сипаттайтын ақпарат жиынтығы және сыртқы әлем мен өзара байланысы болып табылады.Ақпараттық модель үшке бөлінеді: бейнелік, аралас, белгілік. Ақпараттық модельдерді қолмен ұстау, не көзбен көру мүмкін емес.) Бағалау критерийлері бойынша топ басшы бағалайды.
Ортасы (30 мин) «Ойлан, жұптас, бөліс» әдісі 5 мин «Эссе» әдісі 5 мин Деңгейлік тәжірибелік тапсырмалар 10 мин Сергіту сәті 5 мин «Түсіну» әдісі 5 мин	Жаңа тақырып өтпес бұрын “Қауіпсіздік ережесін” еске түсіру Оқушылар қауіпсіздік ережелерін айтып өтеді. -Мұғалімнің рұқсатынсыз жұмысты бастамау; -Компьютерде ақау байқалса, мұғалімге хабарлау; -Ток көздеріне жалғанған сымдарды қозғамау; -Сабақ үстінде артық қимыл жасамау, өзгеге кедергі келтірмеу; -Жұмыс соңынан компьютерді сөндіріп, орындығыңды жинап шығу және т.б. ескерту. Жаңа тақырыпты «Ойлан, жұптас, бөліс» әдісі арқылы тақырыпты оқуға тапсырмалар беріледі. 1-топ. Электорндық кестелер дамуының тарихы. (Электрондық кестелер идеясын тұңғыш ерт американдық ғалым Рихард Маттезих 1961 жылы «Budgeting Models and Sysem Simulation» атты зерттеуін жариялап, тұжырымдады. Оны 1970 жылы аталмыш патентке өтінім берген Пардо мен Ландау толықтырған. Патенттік мекеме өтінімді қабылдамайды, бірақ авторлар сот арқылы шешімнің бұзылуына қол жеткізген. Электрондық кестелердің бағдарламалық жабдықтамасының жеке топ түрінде көпшілікке танылған атасы Дэн Бриклин болып саналады, ол 1979 жылы Боб Фэнкстонмен бірге Visicals программасын әзірлеген. Бұл Apple II компьютеріне арналған электрондық кесте өте танымал болды, дербес компьютерді технофилдерге арналған ойыншықтан бизнеске арналған бұқаралық ақпаратқа айналдырды. Ақырында нарықта осы топтағы көптеген өнімдер пайда болды- Supercals, Microsoft Multiplan, QuattroPro, Lotus 1-2-3, Місcrosoft Ехсеl, OpenOffice.org Cals, AppleWorks кестелері және gnumeric, Spread32. Excel деген сөзі қазақ тілінде шебер, майталман деген мағынада. Excel алма серіктігінің Apple Macintosh систамасы мен Microsoft серіктігінің Windows систамасына арналып жасалған кеңсе автоматтандыру құралы. Иелік құқығы Microsoft серіктігіне тән.) 2-топ. Microsoft Excel-мен танысу, терезенің негізгі элементтері. (Менюжолы–Excelкомандаларына қатынас құруға мүмкіндік береді. Тақырып жолы–құжат атауы мен терезені басқару батырмаларын қамтиды. Стандарттық тақтаExcelкомандалары-ның көпшілігіне арналған батырмаларды қамтиды. Формула жолы-ағымдағы ұяшықтардың ішіндегі барын, оның адресін немесе сілтемесін бейнелейді. Форматтау тақтасы–форматтау комндаларына арналған батырмаларды қамтиды. Тапсырмалар аймағы–ағымдағы тапсырмалар тізімін қамтиды. Жолдар тақырыбы–бұл әрбір жолдың сол жақ бөлігінде орналасқан нөмірленген ентаңба. Бағандар тақырыбы–бұл алфавит бойынша реттелген әріптік ентаңбалар,оларәрбір бағанның үстінде орналасқан. Қалып-күйлер жолы–құжаттың ақпаратын қамтиды. Шиыру жолақтары-құжаттың әр түрлі бөліктерін қарауға мүмкіндік береді.) 3-топ. Microsoft Excel терезесінің жұмыс кітабы, жолдар, бағандар мен ұяшықтар. MS Excel құжаты Жұмыс кітабыдеп аталады. Жұмыс кітабы әрқайсысы бір электрондық кестеден тұратын Жұмыс беттерінен тұрады (255-ке дейін жұмыс беттері болуы мүмкін). Әрбір жұмыс бетінің атауы бар, ол бет жарлығында орналасады. Бет жарлықтарына тышқан мен түрту арқылы олардың бірінен-біріне көшуге болады. Беттің атауын өзгерту үшін жарлығына екі рет қатарынан түртіп, жаңа атау теру керек. Жұмысбеті жолдар мен бағандардан тұрады (256 бағанға, 1048576 жолға дейін болуы мүмкін), жолдар реттік сандармен,бағандар латынның бас әріптерімен нөмірленеді, Ұяшық және оның адресі.Баған мен жолдың қиылысуынд аорналасқан элементті ұяшық деп атайды, ұяшық –мәліметтерді кестеде сақтаудың ең кіші элементі. Әрбір ұяшық өзі қиылысуында орналасқан баған мен жол атауларынан тұратын адресімен анықталады, мысалы– А1, DЕ234, F9. Әрбір мезетте белгілі бір ұяшық активті болып табылады, ол қою қоршау мен ерекшеленеді.) Берілген тақырыпты постер қорғауды ұсынамын. ЖалпыMS Excel бойынша біз керекті мәліметтер алдық, енді керекті сөздерді қазақша, орысша, ағылшынша айтып көрейік: кесте-таблица-table, терезе-окно-window, өлшем-размер- -size, ұяшық-ячейка-cell, баған-столбец- column, қатар-строка- string, бет-лист- page. Оқушылар Microsoft Excel-ге кіріспе, Microsoft Excel-мен танысу ұғымын алады. Керекті мәліметтерді дәптерге жазады. Оқушылар берілген сабақты оқиды. Постер қорғайды. Бағалау критерийлері бойынша топ басшы бағалайды.

Answer 3

«Эссе» әдісі. Оқушыларға плакат және маркерлер таратып беремін. Топтық жұмыс арқылы оқушылар жаңа тақырып бойынша эссе жазып. Microsoft Excel электрондық кестенің тиімді, тиімсіз және келешекте қолданатын жақтары туралы жазады, оны қорғайды.

«Эссе» жазады. Өзгелерді тыңдай отырып, білімдерін толықтырады.Оқушылар топтық жұмыс жасайды, яғни топпен бірге жаңа тақырып Microsoft Excel электрондық кестенің І топ пайдалы жағы, ІІ топ пайдасыз және ІІІ топ келешекте қолданатын жақтары туралы жазады, оны тақтаға шығып қорғайды.

Мысалға, Excel жай ғана бағдарлама емес, өйткені оны көптеген математикалық амалдарда, күрделі есептерді жеңілдету үшін пайдаланамыз. Сондықтан ол кестедегі мәліметтердің негізінде түрлі-түсті диаграмммалар тұрғызып, жүргізуді қамтамасыз ете алады. Excel пайдалы жағы мүмкіндігінің көпжақтылығы тек экономика саласында ғана емес, ғылыми зерттеу, әкімшілік жұмыстарында да кеңінен қолданылатындығында.

Бағалау критерийлері бойынша топ басшы бағалайды.

Деңгейлік тапсырмаларды орындау

І деңгей. А деңгейді орындау. 130-бет.

ІІ деңгей. В деңгейді орындау. 131-бет.

ІІІ деңгей. С деңгейді орындау. 131-бет.

Компьютерлік тәжірибелік жұмыс.

Оқушылар берілген деңгейлік тапсырмалар бойынша оқулықтан тәжірибелік жұмыстарды компьютерде орындайды. Бағалау критерийлері бойынша топ басшы бағалайды

Видеоролик

Оқушылар видеороликке қарап сергіту сәтін жасайды.

«Түсіну» әдісі. Жаңа тақырып бойынша сәйкес бос орындарды толтыру. Бұнда оқушылар жаңа тақырыпты түсінгендері бойынша сәйкес бос орындарды толтырады. Бағалау критерийлері бойынша топ басшы бағалайды.

1-тапсырма. Microsoft Excel бағдарламасының мүмкіндіктері: 1.Кесте құруға және оларға ат қойып, дискіге сақтауға; 2.Сақталған кестелерді ашуға және оларға түзету жасауға; 3.Кестеге жол, баған, немесе ұяшықтар қосуға; 4.Кестеден жол, баған немесе ұяшықтарды алып тастауға; 5.Жол, баған немесе ұяшықтар ішіндегісін көшіруге немесе орнын ауыстыруға; 6.Ұяшықтар ішіндегісін өсуі немесе кемуі бойынша сұрыптауға; 7.Формулалар бойынша есептеулер жүргізуге; 8.Диаграмма тұрғызуға; 9.Графикалық объектілер кірістіруге; 10.Баспаға шығаруға мүмкіндік береді.

2-тапсырма. Microsoft Excel бағдарламасының элементтері:Меню, Тақырып жолы,Стандарттық тақта, Формула жолы,Форматтау тақтасы,Тапсырмалар аймағы, Жолдар тақырыбы, Бағандар тақырыбы,Қалып-күйлер жолы,Шиыру жолақтары.

3-тапсырма. Word және Excel терезелерінің ұқсастығын жазады.

Answer 4

Қосымша ақпарат: Информатика8 –сынып Арман-пв баспасы, авторы Е.А. Вьюшкова, Н. В. Параскун, Б. Қ. Әбенов 2016 жыл
Саралау:Сіз қосымша қызмет көрсетуді қалай жоспарлайсыз? Сіз қабілетті жоғары оқушыларға тапсырмаларды күрделілендіруді қалай жоспарлайсыз?	Бағалау: Оқушыларға өзін-өзі бағалау парағына сабақ кезеңдеріне қарай бағалауды тапсырамын. Берілген кестеге әр оқушы өзінің шынай біліміне сәйкес, сабақ кезеңдері бойынша өздерін бағалайды. Дискриптор және критерий бойынша бағалау.	Пәнаралық байланыс: математика, орыс тілі, ағылшын, латын. Қауіпсіздік және еңбекті қорғау ережелері:Мұғалімнің рұқсатынсыз жұмысты бастамау; -Компьютерде ақау байқалса, мұғалімге хабарлау; -Ток көздеріне жалғанған сымдарды қозғамау; -Сабақ үстінде артық қимыл жасамау, өзгеге кедергі келтірмеу, т.с.с. АКТ мен байланыс: компьютер, графопроектор. Құндылықтардағы байланыс: Информатика пәніндегі термин сөздік қоры артады, өз ойын емін-еркін жеткізе білуге үйренеді.
Рефлексия Сабақ оқу мақсаттары шынайыма? Бүгін оқушылар не білді? Сыныптағы ахуал қандай? Мен жоспарланған саралау шаралары тиімді болдыма? Мен берілген уақыт ішінде үлгердім бе? Мен жоспарыма қандай өзгерістер енгіздім және неліктен?	Төмендегі бос ұяшыққа өтілген сабақ туралы пікір жазамын. Сабаққа сәйкес келетін сұрақтарға жауап беру.