Question

Пропорцияның көмегімен пайызы бойынша санды табу сабақ жоспары

Answer 1

Тақырыбы:
	• Пропорцияның көмегімен пайызы бойынша санды табу.
Мақсат:
Жаңа білім	• Алдыңғы тақырыпта өтілген пропорция көмегімен санның пайызын табуды еске түсіре отырып, пайызы бойынша санды табады.
Жаңа түсінік	• Пропорция және пропорцияның негізгі қасиеттерін пайдаланып, пайызы бойынша санды табуды түсінеді.
Қолданым әрекеті	• Мәтінді есептерді шығаруда пайызы бойынша санды табу қолданады.
Талдау әрекеті	• Пайызы бойынша санды табуда пропорцияның қасиетін қолданудың ерекшелігін айырып, қорытынды шығарады.
Шығармашылық әрекет	• Мәтінді есептерді шығаруда пропорцияның қасиеттерін пайдаланып пропорция шығару жолын түсінеді.
Бағамдау әрекеті	• Пропорция туралы жүйелі білім-білік дағдының қалыптасуының өмірдегі маңыздылығын бағалайды.
Сабақ құрылымы: І.Ақпарат алмасу ( 7 мин.). ІІ.Алғашқы бекіту ( 3 мин.). ІІІ. Құзырлылық қалыптастыру (25 мин.). ІV. Шығармашылық қалыптастыру (7 мин.). V.Бағамдау-бағалау (3 мин.)
Оқыту әдісі:
	Репродуктивті, ішінара ізденушілік.
Мұғалім іс-әрекетінің тәсілі:
	• Бағыт-бағдар және нұсқау береді, қажет болғанда оқушыларға көмек береді, олардың танымдық есептерді өз бетімен орындауын қадағалайды.
Оқу іс-әрекетін ұйымдастыру формасы:
	• Белсенді танымдық.
Оқушы іс-әрекетін ұйымдастыру:
	• Күтілетін нәтижеге (мақсатқа) қол жеткізу үшін жоспар бойынша оқулық материалын АА блогындағы слайдтарды пайдаланып меңгеру; ҚӘблогы аясында өз мүмкіндігіне қарай деңгейлік тапсырмаларды орындау; ШӘблогында топтық жұмыс істеп, тапсырма бойынша ұжымдық қорытынды шығаруға қатысу.
Оқушыда дағды қалыптастыру:
	• Тақырып бойынша логикасы әр түрлі есептерді шығара білу, өзін-өзі дамыту, өзінің деңгейін бағалау. Берілген мақсатқа жету, бүкіл топ жұмысының нәтижесін көре білу, өз ойын сынып алдында қорғай алу.
Негізгі ұғымдар мен терминдер:
	• Пропорция, пропорция санның пайызы.

Ақпарат көздері:
	1. Математика. Жалпы білім беретін мектептің 5-сыныбына арналған оқулық. /Әбілқасымова, Т.Кучер, З. Жұмағұлова. Алматы: «Мектеп» баспасы, 2010ж400-б.2. Математика. Әдістемелік нұсқау: Жалпы білім беретін мектептің 5-сынып мұғалімдеріне арналған құрал. /Әбілқасымова, Т.Кучер, З. Жұмағұлова. Алматы: Мектеп,2010. 3-9-б. 3. Алдамұратова Т.А, БайшолановаТ.С.Математика. Жалпы білім беретін мектептің 6-сыныбына арналған оқулық. 3-басылым. Алматы, Атамұра, 2011. 4.Алдамұратова Т.А., Тупаева В.И. А-40 Математика. Дидактикалық материалдар. Жалпы білім беретін мектептің6-сыныбына арналған оқулық. 5. М-29Математика жұмыс дәптері, №1: Жалпы білім беретін мектептің 6-сыныбына арналған. Алдамұратова Т.А., Хабылбекова А.Қ., Алешина Н.Ф., Сатемирова С.Р. 2-басылым. Алматы, Атамұра, 2011. 64-б.
Сабақты бағалау:
	• Негізгі баға ҚӘ блогының тапсырмаларын орындағаны үшін, ал қосымша баға (бонус)ШӘблогы үшін беріледі.