Ұйымдастырылған оқу іс-әрекетінің технологиялық картасы.
Білім беру саласы: Денсаулық
Ұйымдастырылған оқу іс-әрекеттің түрі: Валеология
Тақырыбы: Күн, су, ауа- біздің достарымыз
Мақсаты: Балаларға адамдар, жануарлар мен өсімдіктер тіршілігі үшін ауаның, судың, күннің қаншалықты маңызы бар екенін түсіндіру. Таза су табиғаттың баға жетпес сыйы екенін айту.
Әдіс- тәсілдер: Көрсету, түсіндіру, сұрақ-жауап,ойын
Қажетті көрнекі құралдар: Тірі жіне өлі табиғат суреттері
Қос тілділік компонент: күн- солнце, су- вода, ауа- воздух
Іс-әрекет кезеңдері | Тәрбиешенің іс-әрекеті | Балалардың іс-әрекеті |
Себепті қызығушылығын ояту кезеңі | Әңгімелесу : -Балалар біз немен демаламыз? -Қане, ауаны жұтайық . Ауа қайда барады? -Дұрыс, ол тамаққа келіп түсіп , тыныс жолдарына содан кейін ауатамырлар арқылы өкпеге барады. -Балалар, қане, тәжірибе жесеп көрейік (Әр балаға екі шардан таратып береді. Балалар шарды үрлейді , ауасын шығарады) - Міне, өкпе осылай жұмыс жасайды. -Балалар, егер ауа жоқ болса не болар еді? Тәжірибе жасап көрейік: Алақанымызбен ауызды жауып , саусағымызбен мұрнымызды қысайық. -Таза ауа қалай келеді? -Ал, өсімдіктер өмір сүру үшін оларға не қажет? Жұмбақтар: - Ақ сандығым ашылды
Ішінен жібек шашылды - Дәмі де жоқ, түсі жоқ
Пайдаланбас кісі жоқ - Өмірде одан мол ештеңе болмайды
Құшақтасаң, құшағың тек толмайды -Балалар күн, су, ауа қандай табиғатқа жатады? | -Ауамен -мұрынға Тәжірибе жасап көреді Өмір сүре алмас едік Ауыздарын жауып, мұрындарын қысады Бізге өсімдіктер арқылы береді Су мен жарық Жансыз табиғатқа жатады |
Ұйымдастырушылық ізденіс кезеңі | «Таңғажайып сәт» -Есік қағылып қозы кіреді. Ол үсті лас , өзі жылап, жөтеліп тұр. - Балалар өзі лас, өзі мұңды болып тұрған кім? Қозы: -Мен өзен жағалап сендерге қонаққа келе жаттым. Күн ысып кеткенде өзенге шомылып алмақшы болдым. Суға түсіп, сыртқа шыққанда осындай болдым. -Балалар, маған не болғанын, мүмкін сендер білетін боларсыңдар? - Ой, менің есіме енді түсті ! Өзен жағасына зауыттан тартылып жатқан ұзын құбырды көрдім. Ол құбырдан өзенге су құйылып жатты. Мен түтін араласқан ауаны жұттым. – Балалар қозыға қандай кеңес береміз? | -қозы Қозы тыңдайды, жанашырлық білдіреді -жоқ |
Іс-әрекеттің бағалау кезеңі | -Жақсылап демал. Таза су іш. Таза су ішіп, шөп жесең жазылып кетесін деп қозыға қораға барып жатуды өтінеді. -Балалар қозы сияты мұндай жағдайларға тап болмау үшін не істеуіміз керек? «Нені атағанымыд көрсет» дидактикалық ойыны Жанды және жансыз табиғатты атап көрсету. Мысалы: Адам- жанды табиғат Күн- жансыз табиғат | Қозыға кеңес береді Суға қалдық заттарды тастамау керек. Табиғатқа зиян келтірмеу керек Жанда және жансыз табиғатты атап көрсетеді |
Күтілетін нәтиже:
Нені біледі: Күн, су, ауаның адамға қаншалықты қажет екенін біледі.
Қандай түсініктерді меңгерді: Табиғатқа қамқар бола білуді, зиян келтірмеуді меңгерді
Меңгерген дағдылары мен іскерліктері: Қозыға деген аяушылық сезімдерін білдіріп, көмек көрсетулері.
Қаратөбе ауданы Мұхит атындағы жалпы орта білім беретін мектебінің мектепалды даярлық топ тәрбиешісі Ажимова Райгул Қобланқызы.