Құрметті балабақша түлектері меркелік кешке тағы да қош
келдіңіздер! Балабақшаның 22 – ші түлектері меркелік шашуымен ортамызда!
Би
«Стеляги». Жетекшісі балабақша тәрбиешісі – Динара Ерболатқызы.
Құттықтау сөз балабақша директоры міндетін атқарушы
Гүлнара Саматқызына беріледі.
Жүргізуші: Балалық шақ, жасөспірім
кезең, ересек адам,
қарттық кезең – осының бәрі
адам баласының өсу
үрдісінің көрінісі. Осындай
кезеңдердің ең тамашасы
– балалық шағы. Тәлім – тәрбиенің, білімнің
ең алғаш бастауын , өнегенің бастауын
балалар осы балалық
шағында алады. Осындай
тәрбиенің бастауын бастап , біз
балабақшадан беретінімізді
мақтан тұтамыз. Ендеше құрметті түлектер, сіздерге
балабақшадағы өткен күндеріңді еске түсірер
«Балабақшам – балғын шағым» атты балабақша бүлдіршіндерінің қойылымын
тамашалай отырып, балалық шаққа бір сапар шегіп көрейік.
Мерекелік құттықтау ортаңғы топ бүлдіршіндерінен.
(бүлдіршіндер кеш
қонақтары атымен тақпақ айтады)
Мұхаммед:
Бойға жинап салт-дәстүр мен мұраны,
Ел мүддесі болсын асқақ ұраны
Мәртебесін көтеретін биікке
Ағаларым-тәуелсіз ел қыраны
Саябек:
Асқан сайын өмір-жолдың өткелін
Балалық шақ сағындырар көктемің
Тілекші боп тұрады ылғи анаңдай
Балабақша алтын ұя мекенің
Нұртас:
Білімді жаста бастадың
Ғылымды іздеп үңіліп
Өмірге сапар бастадың
Біздің балабақшадан
Рахим:
Әр қазақтың есінде сақталады
Желтоқсандық өрендер ақталады
Ел намысын қорғаған сарбаздарым
Ерліктерін мәңгілік сақталады
Іңкәр:
Тәуелсіздік мәңгілік сақталсын,
Алдымызда барлық үміт ақталсын
Тату-тәтті бірлік болып қашанда
Бейбіт өмір бар халықпен жақталсын
Томирис:
Енді міне біз тәуелсіз ел болдық
Басқалармен терезесі тең болдық
Әрқашанда біз дайынбыз тайсалмай
Отан үшін болуға да құрбандық
Камилла:
Әнді алысқа жеткіземіз,
Көкке елдің туы ілінді
Жылда той қып өткіземіз
Тәуелсіздік ұлы күнді
Асылхан:
Тәуелсіздік ұлы күнім
Тұрсын жайнап төбемде
Сен, жасай бер мәңгі бақи
Қуанышқа бөлен де
Айкөркем:
Қазақстан-туған елім, ұлы өлкем!
Құшағында қаулап өскен гүлі ертең
Отаным деп мен өзіңді сүйемін,
Абыройыңды асқақтатам мен ертең
Елім менің, тәуелсіз жерім менің
Күннен алған шуақты өмір деймін
Рухы ұлттың өсіпті өлместей боп,
Көк байрағың төбемнен көрінген күн!
Адия:
Елімнің атын айтсам-Қазақстан
Жерімнің атын айтсам-Қазақстан
Қойнауы қазынаға толған мекен
Байлығым атын айтсам-Қазақстан
Алихан:
Қазақстан- бабамнан қалған мұра
Сенбейсің бе-даламнан бар да сұра
Ел мен жерді дұшпанға таптатпаған
Батырларым демесем, болар күнә
Ерсәт:
Қазақстан-ұлт атын ұлықты еткен
Ұлылардың арманын биіктеткен
Өзге де ұлт ұлысқа қоныс болып
Оларға да жақсылықты үйіп-төккен
Алина:
Көк байрақ иілмесін, жығылмасын
Көзге жас кеудеге өксік тығылмасын
Тұрғанда көкшіл тудың көкті тіреп
Қазағым,сен қашанда тұғырдасың.
Біздің балабақшадан түлеп ұшып,әр түрлі білім ордаларынан
білімдерін толықтырып Қазақстанның түкпір -түкпіріне бір- бір кірпіш болып
қаланып Тәуелсіз еліміздің өсіп өркендеп дамуына өз үлестерін қосып жүрген
түлектеріміз үшін біз әрине қуаныштымыз.Біз оларды өмір баспалдағының ең
алғашқы сатыларында тәрбиелеп
сусындатқанымыз үшін мақтанамыз.
«Түлектерім – тәуелсіздік тірегі» балабақша түлектері
туралы балабақша мақтаныштарына арналған
бейне көрініс тамашалайық.
Балабақшаның
2016 жылғы 22-ші түлегі Қадірхан Эльнараның орындауында «Біз бақытты баламыз».
Көркемсөз
«Қазақстан - тәуелсіз ел». Орындайтын Махамбетқызы Ақниет.
Жүргізуші: -Мәңгілік ел құрудағы мемлекеттің үміт артары – олар
қазіргі жастар! Болашағына үміт күттірер жас буын өкілдері– балабақшамыздың түлектері.Еліміздің
әр түрлі оқу орындарында білім алып бүгінгі кешке қатынаса алмай бірақ өз
құттықтауын ерекше ықыласпен интернет желісі арқылы жіберген түлектер
құттықтауына кезек берейік.