Металдан бұйым жасаған кезде жұқа қаңылтыр металл және сыммен бірге сорттық прокатты да қолданады. Оны металлургиялық зауыттарда металл құймаларын илемді орнақтың аунатқышы арасында қысу арқылы өндіреді.
Аунатқыштың пішініне қарай прокат орнақтары әрқилы профильдер шығарады. Прокат профилі деп оның көлденең қимасының пішінін айтады. Прокат профилінің бірнеше түрі болады. Оған қарапайым профльдер , фасонды- швеллерлі, травлы , рельсті , екі таврлы , сондай-ақ арнайы профильдер –арматура , дөңгелек жатады.
Сорттық прокат әртүрлі бөлшектер жасаған кезде дайындама ретінде пайдаланылады. Прокатпен дайындамаға дайын бөлшектің пішінін жасап шығаруға болады, одан соң қосымша өңдеудің қажеті болмайды , есесіне металл шығынын болдырмай , уақыт үнемделеді.
Мысалы, алты қырлы темір шыбықтан бұранда , сомын жасалады. Домалақ прокаттан білік , ось және басқа да айналмалы бұйымдар әзірленеді. Швеллер , травлы және екі травлы прокаттар өнеркәсіптік және жеке құрылыста кеңінен қолданылады.