Тәуелсіздікке арнау
Тоңдырмас қайтып елімді,
Сол жылы соққан ызғарлар.
Қайтардық бүгін кегіңді,
Желтоқсандағы құрбандар.
Жиырма төрт жыл өтті арада,
Азаттығымды алғалы.
Сол жылы туған балада
Жігіт боп бүгін қалғаны,
Қанаты бекіп жас қыран,
Қалықтап ұшты көгімде !
Естілді біздің ән ұран,
Алып елдердің төрінде.
Бұзылмай достық қаймағы,
Желбіреп көкте байрағы!
Қазақтығымды паш еткен,
Азаттығымның айғағы!
Бабамыз жатыр бір аунап,
Туды деп бізге ғажап күн.
Жасай бер өрлеп, жалындап,
Тәуелсіздігі қазақтың !