Таң...
Қараңдаршы,міне атып,таң келеді!
Таза ауасы жаныңа сән береді.
Сұлулыққа талпынсаң ертерек тұр,
Сезімтал жан көп іске мән береді.
Байқаңдаршы,күлімдеп таң келеді!
Жұмбақ дүние бүгін де дөңгеледі.
Әрбір сәттің қадірін біле алмаймыз,
Өкініш боп,түбінде өң береді.
Көріңдерші,алаулап таң келеді!
Көңілдерді сәнді етті ең керегі.
Кешегі күн келмеске кетті тағы,
Әрбір таң өмір-құстың бәйтерегі.
Зер салыңдар,ағарып,таң келеді!
Үміт,сенім,армандар дем береді.
Таңғажайып самалы сананы орап,
Өн бойың сұлулықтан емделеді!
Сезіңдерші,сергітер таң келеді!
Күн сәулесі ерекше рең береді.
Ырыс бақты аңсасаң ертерек тұр,
Несібеңді құдірет тең бөледі!
Қараңдаршы,мөлдіреп,таң келеді,
Сезініңдер елжіреп,ән бөледі.
Қайғы мен қатыгездік ұмыт қалып,
Жақсылық пен жылылық ентеледі!
Қарсы алыңдар,қия алмас таң келеді!!!
17.03.2009жыл.