Бөлшектеу (фасовка).
Белгілі уақытқа тұтынушыға жеткілікті мөлшерге дайындалған ДТ – лерді дозалау техникалық ұйымдастырылған процессін «бөлшектеу (фасовка)» деп аталады.бөлшектеу келесі әдістермен жүзеге асырады:
сұйық ДТ – лерді құю арқылы бөлу;
сусымалы ДТ салмақпен өлшеп бөлу;
даналы ДТ есептеп бөлу.
Бөлшектеу орамдаумен тығыз байланысты.
Әдетте бөлшектеу операциясы механизацияланған. Ол шығарылатын өнімнің стандарттықтын жоғары дәрежесін қамтамасыз етеді. Осы операция бөлшектеу – орамдау жұмыстарының поток – автоматты линияларға кіреді.
Тара мен тығындау құралдарды бөлшектеу және орамдауға дайындау.
Дайындау жұмысы келесі операциялардан тұрады:
1. Тара мен тығындау құралдардың сапасын жалпы тексеру. Ол құралдардың қабырғаларында дефектер мен жарықтар болмауын және тығындау құралдардың герметикалығын тексеруден тұрады:
а) шыны тараны метилен көкпен боялған сулы немесе спиртті ерітінділермен толтырады;
б) полимерлі бұйымдардың түстің біркелкілігін, сыртқы ластануын, көп мөлшерде қабырғаларында нүкте тәріздес қоспалар, ішкі көпіршіктер, сонымен бірге дәмі мен иісі болуын тексереді.
Әдетте, шыны және полимерлі бұйымдардың дефекттерін визуальды (көзбен) тексереді.
2. Шыны тараны дайындау келесі операциялардан тұрады:
а) Тарагы зарарсыздандыру. Ол қолдануына байланысты өткізіледі: 2 – 3 сағат бойынша хлорамин Б 2℅ ерітіндісінде тұндырып, дистилденген сумен шайады.
б) Тараны жуу. Жуғыш заттардың ерітіндісінде 1 – 2 сағат жібітіп, ыстық деминерализацияланған (тұзсыздандырылған), содан соң дистилденген сумен арнайы шыны бұйымдар жуғыш аппаратта шайады.
в) Тараны кептіру. Осы операция екі (кіріс және шығыс) есікті резина пердесі бар арнайы термостатта түбін жоғарыға қаратып, ыстық ауаның 150 – 1600С ағында кептіреді. Сонымен бірге стерильденеді.
3. Полимерлі бұйымдарды дайындау.
а) Жуу. Алдын ала оларды жуғыш заттар ерітіндісінде 1 сағатқа 50 – 600С жібітіп, содан соң жылы тұзсыздандырылған, кейін мұздай дистилденген сумен шайады.
б) Суда еритін заттардан тазарту. Ол үшін
1) ПС, ПОВ – 30, ПОВ – 50 жасалынған бұйымдарды – 3 сағат t0=600С;
2) ПС қ.ж. – 2 сағат t0=700С;
3) ПК, ПП,ПЭ қ.т. – 1 сағат t0=1000С дистилденген суда ұстайды.
4. Резина бұйымдарды көп рет сумен шайып, әртүрлі еріткіштерде 30 минуттан қайнатып, әр ерткіштен соң дистилденген сумен шайады. (Бұйрық №59 02.02.95 МЗ РК).
а) Зарарсыздандыру:
Егер полимерлі бұйымдар жоғары температураға тұрақты болса, оларды автоклавта t0=1200С, 30 минут, немесе бу ағынымен t0=1000С, 30 минут, немесе дистилденген суда 1 сағат қайнату, немесе тиндализация арқылы дистилденген суда t0=700С, 1 сағаттан 3 рет, әр 24 сағат сайын стерильдейді.
Егер термиялық стерильдеуге шыдамаса, оларды 10℅ Н2О2 ерітіндісінде 3 сағатқа t0=400С жібітіп, стерильді дистилденген сумен шайады.
б) Кептіру. Көзге және шаншуға арналған ерітінділердің полимерлік бұйымдарды кептіруге ұсынбайды. Қолдану алдында оларды тағы бір рет стерильді дистилденген сумен шайады.
Басқа полимерлі бұйымдарды термошкафта температурасы t0=600С – тан жоғары емес 3 сағаттан көп емес кептіреді.
Резина, ПЭ және құрамында ПЭ бар материалдарданжасалынған бұйымдар t0=400С жоғары емес жылы ауаның ағынында кептіреді.
ПС – ді бұйымдарды бөлме температурасында кептіру қажет.
Дайындалған тара мен тығын құралдарды шаң кірмейтін тығыз жабылатын коробкаларда және бикстерде сақтайды.
ДТ – лердің тұрақтылығына орауыштың және орауыш материалдарының әсер етуі.
Әр жеке ДТ – ге орауыш материалдың таңдауын тек қана ДТ құрамындағы препараттың тұрақтылығына әсер етуін зерттеп болған соң белгілейді. Сонымен қатар орауыш материалдың эффективтілігін зерттейді, яғни сыртқы ортаның факторлар әсерінен (ылғалдылық, жарық, ауадағы О2 (оттегін), температура) қорғау қабілеттілігі.
1. Атмосфералық ылғалдылық. Қазіргі уақытта жиі шыны бұйымдардың орнына полимерлі мен пластмассты орауыш, тығын құралдар қолданылады. Бірақ пластикалық материалдардың көбісі су буын және басқа газдарды өткізеді. Олар орауыштың ішіндегі препаратқа кері әсер етуі мүмкін. Мысалы, құрамында антибиотиктер бар таблеткаларды ПС – ды флакондарда сақтауға болмайды, себебі олар су буын өткізеді, ал антибиотиктер тез гидролизге ұшырап, ыдырайды. Осы себепті әр ДТ дәл сол орауышта сақтау кездегі тұрақтылығын зерттеу қажет, қай орауышта осы ДТ өндіріске енгізілетін болады.
2. Ауа температурасы. Дағдыдағыдай, не неғұрлым температура жоғары болса, соғұрлым препараттын ыдырау қауіптілігі жоғары. Сондықтан, орауыштың сыртында әр қашанда сақтау температурасын көрсетеді.
3. Жарық. Препараттардың көбісі жарық әсерімен тек қана физико – химиялық қасиеттерін емес, сонымен бірге фармакологиялық белсенділігін (активтілігін) өзгерту мүмкін. Жарықтан препараттарды қорғау үшін келесі жолдар қолданылады:
а) СО – 1, СНС – 1 және т.б. сары түсті шыны қолдану;
б) егер шынының осы маркаларын қолдануға болмаса, қабырғаларының әр түрлі қалындығымен түссіз шыныдан құралдар қолданылады. Қабырғаларының қалындығына байланысты шыны 30℅ - тен 70℅-ке дейін жарықты өткізбейді;
в) мөлдір емес пластмассты орауыштар қолдану;
г) жартылай мөлдір полимерлі (қабырғалардың қалындығына байланысты) орауыштарды қолдану;
д) қызыл түске боялған орауыштарды жасау үшін ПВХ – пленкасын қолдану, бірақ олардың бағасы жоғары болады;
е) алюнимий бұйымдар, қаңылтыр банкалар қолдану;
ж) ақ немесе боялған ПЭ – мен қабатталған жазу қағазды қолдану;
з) міндетті түрде картон пачкаларға біріншілік орауыштарды орамдау.
Егер жаңадан зерттеліп жатқан орауыш материал гіме жүрсе, оған бақылаудың барлық түрін (физикалық, химиялық, биологиялық, микробиологиялық) өткізу керек. Олар дәл осы дәріге жаңа немесе белгілі материалдардан таңдап алған біреуін қолдануға жарауын көрсетеді.
Бірақ әр қашанда ескеру керек – қазіргі уақытты медициналық және фармацевттік өнімдерді орамдау техникасында әмбебеп (универсалды) материал жоқ. Әр қашанда пластмасса немесе полимерге орамдауға болмайтын препараттар табылады, немесе шыны ыдыспен сыйыспайтын және т.б. Мысалы, пластмассты ыдыста эмульсияларды, әсіресе, майлы түрлерін сақтауға болмайды. Сол себептен фармацияда және медицинада қолданылатын материалдарға қойылатын талаптар едәуір жоғары.