Дені сау ұрпақ!
Жас ұрпақты жан-жақты дамыған,ой-өрісі биік, тұлғасы сымбатты азамат етіп өсіру үшін тәрбие жүйесінде дене тәрбиесінің алар орны орасан зор.Ал оны неғұрлым ерте кезінен бастап,дұрыс жолға қойып жүргізсе,соғұрлым нәтижесі жемісті болатыны анық.
Қазақтың кемеңгер ақыны,ұлтының бақыты үшін өз бойындағы бар дарыны мен білгенін аямай,дене тәрбиесіне зор көңіл бөлген Мағжан Жұмабаев: «Дене тәрбиесіне жеңіл қарауға болмайды.Дене жанның қабы.Қап берік болса ішіндегі заты берік болмақ.Сау жан – сау денеде ғана болады» - деген. Балаларға дене шынықтыру пайдасың, адамның дені сау, сергек болуына көмектесетінін түсіндіру. Бүлдіршіндерге көтеріңкі көңіл күй қалыптыстыру. Түрлі спорттық құралдарды қолданудағы тепе-тендікті сақтау, икемділік, кеңістікті бағдарлау дағдыларын жетілдіру.
Салауатты өмір салтын ұстану – осы іс шараның бір баспалдағы. Жалпы дене шынықтыру шәкірттердің ғана емес, ересектердің де күш – қуатын өсіріп, олардың денсаулығын шыңдап, қан тамырларының жүйелі жұмыс жасауына ықпал етеді
Жазғы кезде балалардың таза ауада болу уақыты ұзарады, оқу сабақтарының саны қысқарады,сабақтар ашық аулада өткізіледі. Балалардың денсаулығын нығайту барысында «Жұпар» балабақшасының «Айгөлек»тобында «Көңілді старт» жарысы өтті. Бұл спорттық іс-шараға балалар белсенді қатысып,көңіл күйлері көтерінкі болды.Біздің негізгі мақсатымыз дені сау ұрпақ тәрбиелеу.
Амангелді ауданы. «Жұпар» балабақшасының тәрбиешілері: Сембина Кенжегүл,Замзиева Асем.
Балалардың жаттығу жасап жатқан сәті.