Өмірдің ыстық шағы-мән.
Сен білесің бе?
Сағыныш неден маздайды?
Аңсау мен ару үлесінде,
Өртене жүрек жаздайды.
Қиялдап қызық қыр бақты,
Күтумен күндер көмескі.
Жанымда жылу жыр жатты,
Көрсетіп көркем елесті.
Көктеммен бірге көгеріп,
Сағынышыммен тербелгем,
Уайымды әркез шегеріп,
Өзіңсің еркем дем берген.
Өзіңмен өткен күн алыс,
Жүректе тұр ғой жарқырап.
Жаныма деген сұраныс,
Шешілер өзің арқылы-ақ.
Сағындым,тағы сағынам,
Жырларым мені жұбантар.
Өмірдің ыстық шағы-мән,
Жүректе қалып қуантар.
Гүлдеді өрік гүл ашып,
Жүрегім кетті дүрсілдеп.
Мен жайлы ойлап,сұрасып,
Ойладым: «Аңсап, жүрсің»-деп.
16.03.2009жыл.