Күлкіңнен...
Күлші өзің, қуаныш тарқамасын,
Жымиғанда әдемі байқаласың.
Әзіл айтшы көңілімді көктем етіп,
Жаныма жағатындай айта аласың.
Күлгеніңде жанарың жалындап бір,
Құдіреттен кеудеме алынбақ нұр.
Назыңменен құлпырып кетесің сен,
Жазыңменен жуылып арылмақ кір...
Уайымымнан арылтып тазартасың,
Күлкіңменен өмірді ұзартасың.
Бүгінгі бақытыңмен балбұл жайнап,
Ертеңге үмітіңді жүз артасың...
Күлші тағы, бағымның белестерін,
Елестетер сен ғана емес пе едің?
Көрмедім қайғы мұңда езілгендер,
Жылаумен абыройға теңескенін...
Кімде жоқ сағыныш пен қайғы, уайым?
Келтірер адам өзі көңіл райын.
Күлкіңмен биіктікке бастадың сен,
Аман бол, ақкөңіл жан, айналайын!!!
19.04.2013жыл.