Шалқар шабыт.
Сені күттім!
Мәңгілік күтемін де.
Мәңгі үміттің,
Сезімнің жетегінде.
Шалқар шабыт өзіңнен қуат алып,
Мен бәлкім жап-жас болып өтемін де!
Саған таңмын,
Келесің күй ақтарып.
Сенімен әнмін,
Шұғылаң сияқтанып.
Шалқар шабыт өмірге құштар еттің,
Ғашық болғам өзіңе тұрақталып!
Елеңдедім,
Жан дүнием нұр болғаны.
Бөленгенім,
Ішке күй сыр толғаны.
Шалқар шабыт жүректі жібіттің де,
Параққа сыр боп түсті мың талғамы.
Шалқар шабыт,
Сен менен алыстама.
Асқан бақыт,
Самғадым ғарышқа да.
Қамықсам, қуансам да қасымда бол.
Сәбиге қамқор болар алыста ана.
Шабыт-сенім,
Сезілдің өмір жырдан да.
Ақылдың кенін,
Мәңгілік сырға бұрғанда.
Өзіммен бірге өзгеше өмір сүресің,
Жүрегім соғып тұрғанда!
23.08.2009жыл.