Жүрекке жақын осы шақ!
Есіттің бе бұлбұл құстың сайрауын?
Таң келеді,қарашы өмір жайнауын.
Біраздан соң бүкіл әлем оянып,
Қауыштырар қуаныштың қойнауын.
Таң нұрымен жақын маған осы шақ,
Түннен күн боп айырылады қос құшақ.
Көк шалғынға шық түскені байқалар,
Ару қыздың көзіндегі жасқа ұқсап.
Тылсым дүние,таң келеді ағарып,
Жердің беті нұр шашады жаңарып.
Әрбір күнің күреспенен көркейсе,
Әрбір таңда үміт,сенім,жаңалық.
Қарап тұрсақ бір күн қызық бір күннен,
Жастық шақтан кете алмаймыз шіркіннен.
Уайым бітер,бәрі орнына келеді,
Күн боп күлші, мен танимын күлкіңнен!
Сәуле төгіп,күн көрінді тау жақтан,
Сағынышым саған қарай самғатқан.
Осы ма екен бұл өмірде мағына?
Өз өмірін өзге үшін арнатқан...
04.04.2009жыл.