Сезім гүлі.
Өтінемін,кешірім сұрамашы,
Өзіңсің ғой өмірдің гүл ағашы.
Сезімсің ғой өмірді көркем еткен,
Қуаныштың құпия ғұламасы!
Адамның көңілі қашан тына алады?
Қай кезде өзін танып,ұға алады?
Қатар жүрсе бір-бірін түсіне алмай,
Алыс кетсе сағыныш құралады.
Адамдардың табиғаты тартылар,
Жүректердің түп болмысы-жартылар.
Бүтін болып,өмір сүру үшін де,
Жұбын іздер,ертеңге үміт артылар.
Адамдардың шын сезімі-гүл дастан,
Сезінгендер мөлдіреген түнгі аспан.
Сағынғанды ақ жүректе сақтадық,
Аңсағанды ардақ тұттық қимастан.
Көрікті өмір өрнегіңді өрумен,
Жылы сөз бен ыстық тілек-дәрумен.
Өмір неткен таңғажайып тылсымсың,
Тым қымбатсың сүйіп,жақсы көрумен!
18.03.2009жыл.