Ақ сезім жапқан жер үстін.
Бір сезім мені биледі,
Бар әлем жайды күн құшақ.
Сұлулық атты күй легі,
Баурады мені шын тұсап.
Бәйшешек көрдім қырдағы,
Иісінен еріп,ес кетті.
Әсемдік жайын жырлады,
Көктеммен күліп,лезде өтті.
Адамның жаны жаз екен,
Жылылық күтер өзгеден.
Бейнебір өмір саз екен,
Көркемді көңіл көздеген.
Күтетін күзден жемісін,
Адам да бейне жапырақ.
Бұл мезгіл аңсау мен үшін,
Сағынышымен жақын-ақ.
Тазалық табам қыс күннен,
Ақ сезім жапқан жер үстін.
Ғажайып күйге түстім мен,
Сұлуды сезіп,келістім...
28.02.2009жыл.