Жақсы көру.
Жақсы көрер әр адамды бір жан бар,
Сезу үшін жүрек үнін тыңдаңдар.
Махаббатпен өміршең ғой бұл өмір,
Адамға тән үндестікті бұзбаңдар!
Жақсы көру дүниені гүл етер,
Жақсылықты жадыратып,түлетер.
Сезім,сенім сағынышқа айналып,
Әр күн сайын бақытыңды шын етер!
Жақсы көру-жан дүниеңді өсіру,
Саналымен самал желше есілу.
Ортақтасу қиын менен қызықта,
Қамқор болып, әділдікпен кешіру!
Мәңгі үзілмес адамдардың тартымы,
Жақсы көру жан жүректің жарқылы.
Өмір-күрес,тағдыр-тартыс,талпынтар,
Сүйікті боп,сүйе білу арқылы!
Жалған дүние тым алысқа бармаған,
Адал адам аспас асыл арнадан.
Өмір-зәмзәм,ешкім шөлі қанбаған,
Бәрі мүмкін,әділ шешім Алладан!!!
21.08.2008жыл.