Келді көктем құшағына гүл жиып,
Сұлулығы бірге ілініп төріне.
Сәлемімді бергім келді иіліп,
Дархан көңіл, ақ жүректі еліме.
Есендіктен басталады таныстық
Арма ардақты өнер сүйер ағайын.
Біз өмірді бәйге етіп жарыстық,
Алдыңызда жырдан сырға тағайын.
Есімімді Шәрбану деп атаңыз
Өнеріме шын ықылас керек-ақ.
Қалың жұртым қане сіздің батаңыз,
Аңдамастан қол жаяр ем дереу-ақ.
Отбасының Батырбегі-әкешім
Анашым бар биші болған Шарадай.
Нағыз талант танытады көкесін,
Томпақ келген қиындыққа қарамай.
Ел ниеті түзу болса көңілім
Соқтықпалы жүріп өтер жолды да.
білдірейін,Ысық болад руым
Бағындырам асу биік шыңды да.
Бұл көктемнің жайма шуақ күндері
Сыйға толсын баршамызды қуантып.
Сіздерсіздер сол көктемнің гүлдері
Назданатын сұлу болып бүр атып.