Үйіңіздегі заң мен тыйымдар өте көп болмауы керек, өйткені оны орындау қиындау болады. Тыйым салар кезінде: «Саған қабырғаға сурет салуға болмайды, бірақ, сурет салғын келсе мына қағазға салуға болады» деген сияқты сөздерді қолданған жөн. Себебі, көп тыйым сала беретін болсаңыз, балада өзін кінәлі сезіну немесе ашушаңдық немесе қыңырлық қасиеттері пайда болады. Егер балаңызға тыйым салатын болсаңыз, онда балаңыздың ашуына немесе ренішіне дайын болғаныңыз жөн.
Балаңызға өзіңіздің сезіміңіз туралы айтып отырыңыз. Себебі, балаңыз басқа адамдардың бойындағы сезімдерді кеңірек түсініп, танысу керек.
Баланың ар-ұят, намысына тиетін тыйымдарды мөлшерден тыс қайталаудың қажеті жоқ, айта беретін болсаңыз, бала өзін үнемі кәнілі сезініп, тұйықталып кетуі мүмкін.
Балаңыздың көзінше, қорқынышты әңгімелерді, аурулар мен өлім туралы айтудың қажеті жоқ, сондай ақпараттар баланы тым тітіркендіріп жіберетінін ұмытпаңыз.
Балаңыздан не нәрсеге қызығатынын сұрап, шығармашылығын шыңдауға тырысыңыз.Сүйікті ісімен айналысуға жағдай жасаңыз.
Бұл жаста балалар ойынды өте ұзақ уақыт әрі қызыға ойнайды, сол себептен балаңызға ойынын бөлмес үшін ойынды аяқтауын алдын ала айтып қойғаныңыз жөн. Қоршаған орта туралы қойған сұрақтарына шыдамдылықпен қарап, ашық түрде жауап бергеніңіз абзал.