Кіріспе
Зерттеу -жобалық жұмыстың өзектілігі:
Сирек матрицалар көптеген экономикалық, практикалық есептерді шешуде кездеседі: сызықтық алгебрада, векторлық кеңістікте сызықтық бейнелеуді зерттегенде, дифференциалдық теңдеулерді шешуде, электр желілер теориясында, генетикада, социологияда. Заманауи техниканың дамуына байланысты, сирек матрицалар үлкен жүйелерді енгізетін коптеген қолданбалы есептерде кездеседі деп күтілуде. Математикалық модель зерттелетін нысанның неғұрлым көбірек параметрін ескерсе, со ғұрлым нәтижесі дәл және тиімді болады. Параметрлер саны өскен сайын, матрицаның өлшеміде өседі. Соған байланысты есепті компьютерде шешу барысында келесі сипаттамаларға назар аударылады: жады, жылдамдық, еңбек сіңіру. Егер сызықты теңдеулер жүйесі сирек болса, онда бүкіл матрицаны сақтау, өңдеу тиімсіз деп есептеледі. Сондықтан матрицаның тек нольге тең емес элементтерін сақтап, өңдеу ұсынылады. Елімізде жаңа саяси-әлеуметтік, жаңа экономика, әлем өркениетінің өктем талабынан туған жаңа жүйелер дүниеге келуде. Экономикалық есептерді шешуде( мысалы, жеке шаруашылық қожалықтың маусымды жұмысын тиімді ұйымдастыру), экологиялық мәселелерді шешуде математикалық модельдеудің, сонымен қатар, оны зерттеу, шешу құралы ретінде матрицаларды қарастыру бүгінгі таңда өзекті деп, ойлаймын.
Ғылыми-жобалық зерттеу жұмысының міндеті:
- Бағдарламаларға қажет енгізілетін және шығарылатын шамалардың құрылымын талдау;
- Pascal ABC программалау тілінде сирек матрицалармен транпозициялау, қосу, көбейту амалдарын бағдарламалау;
- Бағдарламаларды компьютерде орындап, нәтижелерін талдау.
- Бағдарламалау барысында іс-әрекеттерді тек матрицаның нөльге тең емес элементтерімен жүргізу.
Зерттеу бөлімі
Матрица ұғымы. Матрицалар.
Матрица деп, - жол және - бағаннан тұратын сандар немесе әріптерден құрылған тік бұрышты кестені айтады. Матрица латынның үлкен әріптерімен белгіленеді A,B,C,…Матрица ұғымы 19 ғ-дың ортасында ирланд математигі У.Гамильтон (1805 — 1865), ағылшын математигі А.Кэли (1821 — 1895) және Дж.Сильвестер (1814 — 1897) еңбектерінде берілген. Матрица теориясының негізін 19 ғ-дың 2-ші жартысы мен 20 ғасырдың басында К.Вейерштрасс (1815 — 1897) пен неміс математигі Ф.Фробениус (1849 — 1917) қалаған. Металл өңдеуде — штамптауда, престеуде қолданылатын тесігі не ойығы бар жұмыс құралы. Полиграфияда — литера құюда, стереотиптерді дайындау-да қолданылатын (әдетте, латуннан, қоладан жасалған).
Матрица(нем. Matrіse, лат. matrіx — аналық) —математикада кез келген жиынның элементтерінен құрылған және m жол мен n бағаннан тұратын тік төртбұрышты А кестесі. Матрицаны түзетін нысандар оның элементтері деп аталады. Матрицаның элементтері оның жолдары немесе бағаналарының бойымен орналасады. Матрицаның элементтері аіj түрінде қос индекспен өрнектеледі, мұндағы бірінші индекс і — Матрицаның аіj элементі орналасқан жолының нөмірін, екінші индекс j — оның аіj элементі орналасқанбағананың нөмірін көрсетеді. Матрица символдық түрде не дөңгелек жақша, не қос тік сызық арқылы өрнектеледі. Мұндай матрицаны (m n) өлшемді тікбұрыштыматрица деп, ал егер m=n болса, квадрат матрица деп, n санын оның реті деп атайды.
Матрица
Матрицаны қысқаша былай белгілейді: (аіj) .
Жолдарының саны мен бағаналары санының бірі немесе екеуі де шексіз болатын матрицаны шексіз матрица деп түсінеміз. Бір ғана жолдан немесе бір ғана бағанадан тұратын матрицалар да болады.
аіі диагональ элементтері ғана нөлден өзгеше болатын квадрат матрицаны диагональ матрица деп аталып, dіag(а1 … аn) таңбасымен белгіленеді. Диагональ матрицаның барлық элементтері (аі=1) болса, бірлік матрица деп аталады. Егер барлық (аі=а) болса, онда скаляр матрица шығады. Барлық элементтері нөлге тең матрица нөлдік марица деп аталады.
Жолдары мен бағаналарын ауыстыру арқылы алынған матрица транспозицияланған матрица деп аталып, А немесе АТ арқылы белгіленеді.
Үшбұрыштығы матрица.
Сызықтық теңдеулер жүйесiн матрицалар арқылы жазу.
Сызықтық теңдеу – белгісіздері (айнымалы шамалары) 1-дәрежелі болып келетін және белгісіздердің көбейтінділері қатыспайтын теңдеу. Мысалы,
а1х1 + а2х2 +…+ + аnхn = b (1)
түріндегі теңдеу n белгісізі (аі≤0, і=1, 2, …, n) бар сызықтық теңдеуге жатады. Егер (1) теңдеудегі аi=0 (і=2, 3, …, n) болып, бірақ а1≤0 болса, онда ол а1х = b немесе ах = b(а1 = а) түріндегі бір белгісізі бар сызықтық теңдеуге айналады. Берілген айнымалыларға қатысты бірнеше сызықтық теңдеулер жиынтығы Сызықтық теңдеулер жүйесін құрады:
a11x1 + a12x2 +…+ a1nxn = b1
a21x1 + a22x2 +…+ a2nxn = b2
……………………………….
am1x1 + am2x2 +…+ amnxn = bm
Бұл жүйенің теңдеулеріндегі x1, x2, …, xn белгісіздерінің орнына табылған мәндерін қойғанда сол теңдеулерді тепе-теңдікке айналдыратын а1, а2, …, аn сандар жиынтығы сызықтық теңдеулер жүйесінің шешімдері деп аталады. Егер n айнымалылы m сызықтық теңдеу берiлiп, айнымалының осы m теңдеудiң барлығын да қанағаттандыратын сан мәнiн табу керек болса, онда n айнымалылы m сызықтық теңдеулер жүйесi берiлген делiнедi. Оны әдетте, былайша жазады:
мұндағы x 1 , x 2 ,…,x n - белгiсiздер (айнымалылар), a ij (i=1,2,…,m; j=1,2,…,n) - белгiсiздiң коэффициенттерi, b 1 , b 2 ,…,b m -босмүшелер делiнедi. Мысалы:
Белгiсiздердiң барлық теңдеулердi қатарынан қанағаттандыратын сан мәндерiнiң жиынын ол теңдеулер жүйесiнiң шешiмi дейдi. Ең болмағанда бiр шешуi бар жүйе үйлесiмдi, бiрде-бiр шешуi жоқ теңдеулер жүйесi үйлесiмсiз делiнедi.
Тек бiр шешiмi бар үйлесiмдi теңдеулер жүйесi анықталған, бiрден көп шешiмi бар теңдеулер жүйесi анықталмаған делiнедi.
(3.2) сызықтық теңдеулер жүйесiнiң коэффициенттерiнен жасалған матрицаны А арқылы, айнымалылардан және босмүшеден жасалған баған матрицаларды сәйкесiнше, х және В арқылы белгiлейiк:
,
Сонда (3.2) сызықтық теңдеулер жүйесi матрицалар арқылы былайша жазылады:
Сызықтық теңдеулер жүйесiнен айнымалыларының коэффициенттерiнен жасалған А матрицаны берiлген теңдеулер жүйесiнiң матрицасы дейдi, ал ол матрицаға босмүшенi бiр бағана етiп тiркеп жазғаннан шыққан матрицаны теңдеулер жүйесiнiң кеңейтiлген матрицасы дейдi де, арқылы белгiлейдi:
,