Сол бір кез...
Мөлдіреп тұрған кезіңді,
Көргендей жүрек езілді.
Тым жақын екен сол бір кез,
Сағынышы тартып сезілді.
Табиғат тартар сырласым,
Жердегі жұмақ мұнда шын.
Ақ қайың тербер жанымды,
Шыршалар мәңгі мұңдасым.
Көлім де көркем наздана,
Қалыпты аққу қаз ғана.
Дегендей мойнын бұрып ап,
«Жанымда тұршы аз ғана»
Бейнеңді салған көк құрақ,
Жүректе сезім от құрап.
Табиғат мынау тартымды,
Өзіңмен екен бақ тұрақ.
Қол бұлғап орман терегі,
Аңсауға жаным енеді.
Жастығым болған жайлауым,
Шабыттың асқақ төрі еді...
Тағы таң атты арайлап,
Мөлдіреп тұр-ау сарай бақ.
Жүр ме екен сонда ару қыз?
Елеңдеп қойдым қарайлап...
11.04.2013жыл.