Сұлулық сыры.
Бұл дүние тұрар жылы тілектен,
Жылы сөзді есітіп жүрек дір еткен.
Сағынамыз сыйлас жанды көре алмай,
Еске аламыз сол күндерді бірге өткен.
Ару қыздың жанарында сыр тұнып,
Асау жүрек кеудесінде бұлқынып.
Таң құсымен сайралады бар әлем,
Болмысымен жайнай берер гүл-қылық.
Ару қызды теңеп сырлы әлемге,
Сұлулықпен жақсылыққа енем де.
Құштарлықтың құпиясын ашқанмен,
Сүйкімдінің сыры түпсіз тереңде.
Сұлулыққа қанша қарап тоймадық.
Жанарынан жалындадық жайнадық.
Аруменен махаббаттың бағында,
Таңды атырдық бұлбұл құстай сайрадық...
Өткен күндер бейне аңыз,бәрі елес,
Әрбір күні мың күніңнен кем емес.
Алыстағы аңсары ауып,аңсаса,
Жандағы жан елемес...
Жапырақтай үмітті алдан үзбеген,
Сырға толдым сары бақта күзбенен.
Жырларымнан жалын атса жас өркен,
Арасынан жас күнімді іздегем...
12.12.2008жыл.