Ең соңғысы болмасын.
Ей, адамдар абайлашы,
«Көркем көңіл-көл» деген.
«Сөз бен ісің-жан айнасы»,
Еленетін елменен.
Қанша жанмен кездесеміз,
Көп іске мән бермейміз...
Жылылықта жүздесеміз,
Қоштасамыз, көрмейміз...
Қаншама жан сағынышта,
Тағдырына таланған...
Ұят пен арға бағынышта,
«Өмір-өткел» қаланған...
Адам болып, адам жанын,
Түсіне алмай өткен бар...
Қанат болған жан арманын,
Бағын сыртқа тепкен бар...
Табысуда сыйластық бар,
Қоштасуда көз жасың...
Кездесуде қимастық бар,
Ең соңғысы болмасын!!!
09.06.2008жыл.