(Елін махаббат жырымен тербеткен Әзаға Әзілхан Нұршайықовқа)
Махаббат дерт пе, жалынды өрт пе пендеге?
Сұлулық-іңкәр, жігіттік-сұңқар жерде де.
Жігітсіз нағыз, қалдыңыз аңыз боп аға,
Айналып алтын көмбеге...
Сезімнің сырын, ғашықтық жырын іздеген,
Мөлдірлік табар, өзіңізге жақын қыз деген.
Сағынышымен сарғая түскен күзбенен,
Үмітін тағы үзбеген...
Жаныңыздай сұлу толқытқан көңіл жыр легі,
Жүректен жанған сезімді тағы үрледі.
Махаббат қызық мол жылдар екен бүгінгі,
Аңсатқан керім түрдегі...
Жаралған пенде пәк күйде бейне таң нұрдан,
Періште кезін қай жерде кенет қалдырған?
Мөлтілдеп жасы, жаралы жаны жаңбырдан,
Іші өрт болып, сырты ғой сылқым сән құрған...
Шығармаңыздан көп сырды тағы ұғындым,
Адамдық азды, қасиеттерден шығын мың.
Серілік, мәрттік, жомарттық, пәктік, намыстың,
Туы боп қайта туылдың...
Сезім боп сертте, сағыныш өртте күй кештің,
Ерлігіңменен елдікте егіз, үндестің.
Мәңгілік қалдың, жастарға жалын беретін,
Махаббатыңды білмес кім?!
Сезіммен соққан, мұз жарған бейне кемесіз,
Ғашықтық сырмен ғасырға жаңа енесіз.
Махаббат – мәңгі, адамзат өмір сүргенде,
Мәңгілік жасай бересіз!!!
Қысқа ғой ғұмыр, адамдық өрнек өрумен,
Қымбат қой өмір, ғашықтық, өсіп өнумен.
Жылынып тұр-ау, тартылып тылсым дүние,
Бір-бірін жақсы көрумен...
29.04-30.04.2013жыл. сағат 23сағат41минут-06сағ47минут