Question

Сәби сезім өлеңі

Answer 1

Сәби сезім.
Өмірге сәби келгенде,
Өзгеше өрнек өргенде.
Арыласың уайымнан,
Кереметті көргенде.

Бал-бақытқа жетесің,
Бала болып кетесің.
Тіршілігін тынысын,
Өзіңе сыңар етесің.

Перзентпен адам гүлдемек,
Арманы ылғи жүр демеп.
Мағынасы мәні өмірдің,
Бар қызығы бұл демек.

Өмірің мәңгі жалғасар,
Қуаныш түнмен таңға асар.
Көңілің күнмен теңесіп,
Жаныңды шуақ ән басар.

Тәттіліктің үлгісі,
Жаңалықтың үрдісі.
Елжіретер әлемді,
Сәбидің ғана күлкісі.
                                                                                 14.01.2010жыл.