Жауап.кз вопросы и ответы
0 голосов
Фармацевтикалық өнім өткізуді ынталандырудағы жарнаманың рөлі
спросил от Surak_zhauap в категории Прочее о здоровье и красоте

Ваш ответ

Отображаемое имя (по желанию):
Конфиденциальность: Ваш электронный адрес будет использоваться только для отправки уведомлений.
Анти-спам проверка:
Чтобы избежать проверки в будущем, пожалуйста войдите или зарегистрируйтесь.

11 Ответы

0 голосов

Жоспар

І. Кіріспе

ІІ. Негізгі бөлім

Жарнама туралы түсінік,тәсілдері.

Өткізуді ынталандыру, оның түрлері және құралдары.

Қазақстан Республикасының фармацевтикалық нарығын талдау.

ІІІ. Қорытынды

ІV. Пайдаланылған әдебиет


Кіріспе

Жарнама туралы сөз жазба тарихының алғашқы құжаттарында-ақ кездеседі. Жерорта теңізі мемлекеттері территориясындағы қазбалар кезінде археологтар әр түрлі оқиғалар мен ұсыныстар туралы маңдайшадағы жазулар тапқан болатын. Римдіктер қабырғаларда гладиаторлық жарыстар жайлы хабарландырулар,ал финикиндіктер өз тауарларын көтеру мақсатында жүрген жолдарындағы жартөбелерде суреттер салып кететін. Осының барлығы да қазіргі сыртқы жарнама мысалдары. Помпейдағы қабырғадағы жазбалардың бірі саясат қызметкерін мадақтап, тұрғындарды оған дауыс беруге шақырады.

Ертедегі жарнаманың тағы бір түрі – таңба. Таңбаны өз тауарларына белгі ретінде қоятын. Қазіргі кезде сол сияқты тауарлық белгілер мен таңбалы атаулар қолданады. Жарнама тарихындағы басты оқиға 1450 ж. Гутенбергтің баспа станоктарын ойлап табумен байланысты. Енді жарнама берушілерге хабарламалары үшін қосымша даналарды қолдан жасауға тура келмеді.Ағылшын тіліндегі алғашқы баспа хабарландыруы 1478 ж. шықты.

Жарнама үлкен жетістіктерге Америка Құрама Штаттарында жетті. Американдық жарнаманың атасын Бенджамин Франклин деп атайды. Оның 1729 ж. шыққан «Газетт» газеті отарлық Америкадағы барлық газеттер ішінде жарнамалық жарияланымның ең үлкен таралымы мен ең үлкен көлеміне ие болды. Американың жарнаманың???? айналуына бірнеше факторлар түрткі болды. Біріншіден, американдық өнеркәсіптің механикаландыруды өндіріске енгізуде жетекшілік етуі арқасында тауарлардың артылуы байқалды және тұтынушыларды көп көлемде сатып алуға ынталандыру қажет болды. Екіншіден, су жолдары торабы, тас жолдар және қарапайым жолдардың салынуы тауарлар мен жарнама қызметтерін аудандарға жеткізуге мүмкіндік берді. Үшіншіден, 1813 ж. міндетті түрде бастауыш білім алуды енгізу сауаттылық деңгейін көтеріп, газеттер мен журналдардың өсуіне себеп болды. Радионың, одан кейін теледидардың шығуы жарнаманы таратудың негізгі құралдарына айналды.

Негізгі бөлім

Тауарды нарыққа жылжыту жүйесіндегі маркетингтің классикалық тұжырымдамасында жарнаманы ең бірінші орынға қояды. Ол болашақ сатып алушылардың санасы мен назарына тауарлар мен қызметтер туралы маңызды фактілер мен мәліметтерді жеткізу үшін көркем көрсетілген нысанда қысқа және нұсқа түрінде ұсынылады.Жарнаманың мәні оның қоғамдағы алатын қоғамдық, экономикалық, маркетингтік және коммуникациялық рөліне байланысты.Жарнаманың қоғамдық рөлі оның адамдардың санасы, көзқарасы, пікірлері мен мінез-құлқының қалыптасуында әсерін тигізуінде.Сәннің, стильдің және дизайнның тенденциясын көрсету арқылы жарнама адамның эстетикалық кажеттілігіне әсер етеді.

Жарнама сұраныс пен ұсыныс жасауға, бәсекенің пайда болуына, инвестиция үйіруге, өткізу нарығының кеңеюі мен сайып келгенде, жалпы экономиканың және оның әр түрлі саласының дамуына әсерін тигізеді. Бұл жарнаманың экономикалық ролін ерекшелейді.Жарнама тек өнім туралы ақпарат беріп қана қоймай, оның тұтынушы санасында әлдебір бейне ретінде қалыптасуына әсер етеді. Осыдан жарнаманың коммуникациялық рөлін байқауға болады.Жарнама тауар сұранысының, өткізу көлемінің және фирма пайдасының өсуіне әсер етеді.Бөл оның маркетингтік рөлін көрсетеді.

Бастапқыда жарнаманың даму ортылығы Ұлыбритания болды, кейіннен әлемдегі жарнама шығындарының жартысынан көбі АҚШ-қа ауысты.

Халықаралық жарнама ассоциациясының көптеген елде жүргізген зерттеулері бойынша қазіргі қоғам экономикасы дамуындағы жарнаманың маңыздылығын Батыс Еуропа респонденттерінің 75%-ы, Азия Тынық мұхит аймағының 76%-ы, Балтық жағалауы мемлекеттерінің 71%-ы атап өтті. Осы аталған мемлекеттер респонденттерінің 70%-ға жуығы жарнаманың тауарлар мен қызметтер сапасын жақсартуға әсері бар екенін айтты.

Сонымен қатар жарнама экономика, мәдениет және өнердің бір бөлігі болып табылады.

Журналистика, киноматография, графика, көркем сурет тәсілдерін және түс, көлем мен кеңістікті қолдануда композициялық шешімдерді пайдалана отырып, жарнаманың әр түрлі өзіндік идеялары мен жанрларын жасайды. Жоғары кәсіптік деңгейде орындалған жарнама туындылары адамдардың жақсы талғамын қалыптастырады, рухани және сезім әлеміне әсерін тигізеді, адамның нанымы мен құндылықтарының бағытына ықпал етеді. Жарнамалық үндеудің ең үздігі қолданбалы өнердің туындылары болып табылады. Пішіні, идеясы, көркемдігі, сәтті сценарийі, стилі тұрғысынан үйлесімді жарнама адамға ерекше псиологиялық және эмоциялық әсер етеді.

Жарнама – көптеген білім шеңберлерін қамтитын қоғамның күрделі әлеуметтік-экономикалық құбылысы. Оны жасау үшін креаторлар, суретшілер, дизайнерлер редакторлар, мәтін жазушылар, психологтар, операторлар және т.б. жұмыс істейді.Жарнама дегеніміз қаржыландыру көзі анық көрсетілген, БАҚ арқылы жүзеге асатын, жеке көрсетілмейтін, тауар мен қызметті жылжыту нысаны.

ответил от Surak_zhauap
0 голосов

Жарнама аудиторияға екі тәсілмен беріледі:

— жарнама беруші жарнаманы өзін дайындап, содан кейін оны басып, БАҚ-қа ұсынады;

— жарнама беруші жарнама мақсатын атап көрсетіп, жарнама агенттіктеріне және агенттеріне тапсырыс береді.

«Gallup Media Asia» деректері бойынша, 2009 жылы қазақстандық жарнама бюджетінің жалпы көлемі ЖҰӨ-нің 0,33%-ын құрады. Бұл көрсеткіштерді батыс елдерінің деңгейімен салыстырсақ, АҚШ-та жарнама шығыны ЖҰӨ-ның 3,1-3,2%-ын, Францияда — 1,6%-ын, ал Ресейде – 0,89% құрады.

Әлемнің ең ірі жарнама берушілерінің тізімінде «Procter & Gamble» компаниясы бірінші орында. Оның жарнама шығындары 2009 жылы 4,7 млрд. доллар немесе компанияның сату көлемінің 14,3%–на жуық болды.

Жарнама берушілер – бұлар өндірушілер, бөлшек-көтерме саудагерлер, мемлекеттік емес ұйымдар және т.б. Қазақстан нарығында негізгі жарнама берушілер – шетелдік компаниялар. Мәселен, «Procter & Gamble» компаниясының 2007 жылғы жарнамалық бюджеті 3,8 млн. доллар, «Unilever»-дікі – 2,8 млн. доллар, «LG Electronics», «Coca-Cola» компанияларынікі – 1,9 млн. доллар болды. Отандық жарнама берушілер бюджет бойынша шетелдік компаниялармен бәсекеге түсе алмайды. Осыған қарамастан «Қант орталығы», «Terra Incognito» деп аталған брендін жасап шығарған жарнама компаниясына кеткен шығындары бойынша Қазақстанда екінші орынды иеленді.

Жарнама агенттіктері – жарнама қызметін ұсынатын делдалдар. Олардың көбі бұқаралық ақпарат құралдарын таңдау, жарнама орнын немесе уақытын сатып алу, жарнама науқанын шығармашылық өндеу және жарнаманы жасау сияқты қызметтерді ұсынады. Жарнама беруші оны шығаруға байланысты кейбір қызмет түрлерін өзі жасай алады. Жарнама агенттіктерін таңдаған кезде жарнама бағасын, олардың шығармашылық мүмкіндіктерін, қызметінің сапасын талдау керек.

Көрсетілетін қызмет көлеміне байланысты жарнама агенттіктері әмбебап және мамандандырылған болып бөлінеді.

Әмбебап жарнама агенттігі ақпарат және жарнама қызметінің барлық аумағындағы қызметін ұсынады. Осындай агентіктерге «Стикс», «Триумф», «Бизнес Магазин» және басқалар жатады.

Мамандандырылған жарнама агенттігі жарнама қызметінің белгілі бір түрін ұсынады. Оларға шығармашылық шеберханалар, жарнама уақытына ие болатын фирмалар жатады.

Шығармашылық шеберханалар жарнаманың ерекше көркем тұжырымдамаларын жасап, ол туралы материалдарды дайындайды, бірақ жарнаманы өткізуде, ұйымдастыруда толық ауқымды қызметтер көрсетпейді. Мәселен, «Герона», «Гридан», «Киік» агенттіктері кең өрісті полиграфиялық қызметтерді, визуалды жарнама жасайтын жаңа технологияларды ұсынады.

Жарнама уақытына ие болушы фирмалар алдын ала үлкен көлемде БАҚ-тан орын сатып алады, содан кейін оны жарнама берушілерге және жарнама агенттіктеріне сатады.

Қазақстан Республикасы Статистика агенттігінің мәліметтері бойынша жарнама қызметінің нарығында 546 жарнама агенттіктері тіркелген, ал оның саны Жапонияда 4000–ға жетеді.

Жарнама агенттіктердің барлық түрлері өздерінің пайдасын БАҚ-дарынан түсетін комиссиялық алым немесе көрсетілген қызметтері үшін үстеме баға қою арқылы тауып отырады.

Жарнама құралдары – жарнама таратушылардың жиынтығы. Алты түрлі бұқаралық ақпарат құралдары бар, оларға: баспасөз, теледидар, жарнама, радио, кино және интернет жатады.

Қазіргі қоғамда жарнама туралы адамдарда әр түрлі пікірлер қалыптасқан. Жарнаманы сынаушылар оны адам санасына зиян келтіретін, тауарға қосымша құндылық дарытып, жалған қажеттіліктерді туғызатын айлалы әрекет деп жағымсыз жақтарын ғана көрсетеді.

Алпысыншы жылдары Америка кинотеатрларында мынадай эксперимент жүргізілді. Кино көрсетілімі кезінде әрбір 24 кадрдан кейін, экранда «Поп-корн жеңіздер», «Coca-Cola ішіңіздер» деген сөздер жарқ етіп шығып тұрды. өте қысқа уақытта көрсетілгеніне қарамастан (бес секунд сайын оның 1/3000 бөлігіндей жылдамдықпен), бұл ақпарат адам түйсігіне жетіп, содан кейін санасына әсер етіп, өз кезегінде тауардың сатып алу көлемінің ұлғаюына әкелді. Бұл эксперимент кейіннен «25-кадр тиімділігі» деп аталды. Нәтижесінде мұндай жарнама түйсікке әсер ететін, визуалды, адам құқықтарын бұзатын жарнама деп танылып, оған тыйым салынды. Бірақ та ғылыми түрде оның адамға тигізетін кері әсерін ешкім дәлелдеген емес.

Жарнаманы жақтаушылар оның бәсекені дамытатынын, сұранысты арттыратынын, тұтынушыларды пайдалы ақпаратпен қамтамасыз ететінін, осылар арқылы жаппай өндірістің қалыптасуына байланысты тауардың өзіндік құнының азаюына ықпалын тигізетінін атап көрсетеді.

Алайда кейбір жекелеген фирмалар жарнама науқанын жүргізгенде, заттың шынайы жағдайын бұрмалап, жалған хабар таратуы мүмкін. Тауар қасиеттерінің жағымды жағын арттырып, сатып алушыны алдау, тауар сапасына қатысты жалған ақпарат беруді теріс ниетті жарнама деп атайды. Мұндай жарнама заң бойынша қудаланады. Қазақстанның «Теріс пиғылды бәсекелестік туралы» Заңы тұтынушыларды теріс ниетті жарнамадан қорғауға бағытталған. Әлемде мұндай әрекет мемлекеттік заңдар және тұтынушылар құқықтарын қорғайтын қоғамдық ұйымдар қозғалыстары сияқты екі бағытта жүргізіледі.

Қазақстандағы жарнама қызметі «Жарнама туралы» Заңмен реттеледі

ответил от Surak_zhauap
0 голосов

Қазақстан Республикасында дәрілік заттардыңжарнамасына рұқсаттар беру ережесі

Жалпы ережелер

1. Қазақстан Республикасында дәрілік заттардың жарнамасына рұқсат берудің осы Ережесі (бұдан әрі - Ереже) дәрілік заттардың жарнамасына рұқсат беру тәртібін айқындайды.

2. Таратуға және орналастыруға арналған дәрілік зат туралы ақпаратқа мынадай мәліметтер жатады: сауда атауы, халықаралық патенттелмеген атауы, тауарлық белгісі, өндірушінің аты, құрамы мен шығарылу нысаны, мөлшерленуі, фармакологиялық әсері, қолдануға көрсетімдері, жанама әсерлері, қолдану тәсілі мен мөлшерлері, енгізу тәсілдері, қолдануға қарсы көрсетімдері, қолдануға шектеулері, фармакокинетика, басқа дәрілік заттармен өзара әрекеттесуі, артық мөлшерленген, жағдайдағы шұғыл қажетті шаралар, айрықша нұсқаулар, дәрілік заттың құны.
Дәрілік зат туралы ақпарат клиникалық зерттеулер жүргізілгенде алынған және дәрілік заттар айналымы саласындағы мемлекеттік орган бекіткен Дәрілік затты қолдану жөніндегі нұсқаулықта (бұдан әрі - Қолдану жөніндегі нұсқаулық) көрсетілген деректерге сай болуы тиіс.

3. Анықтамалық-ақпараттық орталықтардың, фармацевтикалық ақпарат кабинеттерінің мамандары, медициналық сауда өкілдері өздері жұмыс істейтін ұйымдарда тиісті даярлықтан өтуі және жарнамалайтын дәрілік зат туралы дәл әрі толық ақпарат беру үшін жеткілікті ғылыми білімді меңгеруі керек.

4. Дәрілік заттарды сатуға ықпал ететін ісшараларда жүзеге асырылатын, кәсіби немесе ғылыми мақсаттар үшін ұйымдастырылатын кездесулерде, көрмелерде дәрілік заттарды жарнамалау шаралардың негізгі мақсатына қатысты жанама сипатта болуы және ол медициналық және фармацевтикалық білімі бар мамандар арасында ғана таратылуы тиіс.

5. Мамандарға арналған жарнама медициналық немесе фармацевтикалық білімі бар адамдарға арналған жарнама болып табылады.

6. Осы Ереже мамандар мен тұтынушыларға арналған Дәрілік заттарды қолдану жөніндегі нұсқаулыққа (аннотация-қосымша), ақпараттық мәліметтерге, сауда каталогтарына, прайс-беттерге, анықтама материалдарына, дәрілік заттар туралы оларда жарнамалық бекітулер жоқ болған жағдайда дәрілік заттарды өндіретін немесе сататын жеке немесе заңды тұлғалар туралы ақпаратқа, мазмұнында дәрілік заттарға сілтеме болмаған жағдайда адамның денсаулығына немесе ауруына қатысы бар ақпараттарға қолданылмайды.

Дәрілік заттардың жарнамасынақойылатын жалпы талаптар

7. Дәрілік заттардың жарнамасы жарнамалатын зат дәрілік зат болып табылатыны және медицинада қолданылатыны айқын түсінікті болатындай нысанда ұсынылуы қажет.

8. Дәрілік заттардың жарнамасы олардың ұтымды қолданылуына ықпал етуі, дәрілік зат туралы дұрыс ақпарат беруі, терапиялық қасиеттерін асыра көрсетпеуі тиіс.

9. Жарнаманың нысанына қарамастан, дәрілік заттың жарнамаланатын қасиеттері клиникалық зерттеулерде алынған және қолдану жөніндегі нұсқаулықта көрсетілген деректерге сәйкес келуі тиіс.

10. Жарнамада қолдану жөніндегі нұсқаулықта көрсетілген немесе көрсетілген нұсқаулық шеңберінен шыққан ақпаратты, алынған ақпарат көзін (ғылыми мақаланың, жарияланымның аты, басылымның аты, басылымның нөмірі, жылы, беті) көрсете отырып пайдалануға болады.

11. Дәрігерлердің рецептері бойынша босатылатын құрамында есірткі құралдары, психотроптық заттар, прекурсорлар бар дәрілік заттар және дәрілік заттардың жарнамасы тек қана медицина және фармацевтика қызметкерлеріне арналып есептелген мамандандырылған басылымдарда жүзеге асырылуы мүмкін.

12. Дәрілік заттардың жарнамасы жарнамалық материалды дәрілік заттардың қауіпсіздігін, тиімділігі мен сапасын қамтамасыз ететін денсаулық сақтау саласындағы сараптау органының (бұдан әрі - сараптау органы) алдын-ала жасалған сараптамасынан кейін мемлекеттік органның рұқсаты негізінде жүргізіледі. Жарнамалық материалда мемлекеттік орган белгілеген тәртіппен берілген дәрілік заттардың жарнамасына рұқсат туралы ақпарат болуға тиіс.

13. Жарнама таратушы жарнама беруші тек дәрілік заттардың жарнамасына мемлекеттік органның рұқсатын бергеннен кейін ғана жарнаманы орналастыруға құқылы.

14. Дәрілік заттардың жарнамасы мамандарға арналған жарнама және халық арасында таратылатын жарнама деп бөлінеді.

Мамандарға арналған жарнамаға қойылатын талаптар

15. Мамандарға арналған дәрілік заттардың жарнамасы тек мамандандырылған басылымдарда анықтамалық-ақпараттық орталықтар, фармацевтикалық ақпарат кабинеттері арқылы, медициналық және фармацевтикалық білімді мамандарға арналған конференцияларда, симпозиумдарда, көрмелерде жүзеге асырылуы мүмкін.

16. Мамандарға арналған жарнамада міндетті түрде мына мәліметтері болуы тиіс:
1) дәрілік заттың сауда атауы;
2) халықаралық атауына сәйкес белсенді заттың атауы;
3) белсенді заттың (заттар) мөлшерлеуге ұстауы (шығарылу нысаны);
4) қолдану жөніндегі нұсқаулыққа сәйкес негізгі қолдану көрсетімдер;
5) қолдану жөніндегі нұсқаулыққа сәйкес негізгі жанама құбылыстары мен жағымсыз реакциялары;
6) өндірушінің және/немесе сауда өкілінің аты, мекен-жайы;
7) дәрілік затты босату санаты;
8) қолдану сызбасы;
9) қарсы көрсетімдері, ескертулер мен аталған дәрілік затты сақтықпен қолдану қажеттігі жөніндегі ақпарат;
10) басқа дәрілік заттармен өзара әрекеттесу.

17. Егер жарнамалық материалда дәрілік зат туралы кейбір мәліметтер, алынып тасталса, көрсетілген ақпаратты алу мүмкіндігі мен көзіне сілтеме (өндірушінің, сауда өкілінің мекен-жайы, сондай-ақ мамандандырылған басылымның, анықтамалықтың, ғылыми мақаланың аттары, шығарылған жылы, нөмірі, беті) жасалуы тиіс.

ответил от Surak_zhauap
0 голосов

Дәрілік заттардың халық арасындағыжарнамасына қойылатын талаптар

18. Тізбесін дәрілік заттар айналымы саласындағы мемлекеттік орган (будан әрі - мемлекеттік орган)бекітетін, рецептісіз босатуға жататын дәрілік заттарды ғана халық арасында жарнамалауға болады.

19. Дәрілік заттардың халыққа арналған жарнамасы ұғымды тілде жазылуы керек және дәрілік заттарды дұрыс қолдануға қажетті мынадай ақпараттар болуы тиіс:
1) сауда атауы;
2) негізгі қолдану көрсетімдері;
3) қолдану тәсілі мен мөлшері;
4) дәрілік заттарды қолдану жөніндегі нұсқаулықтың (аннотация-қосымша) анық әрі көрнекі ұсыным;
5) өндірушінің немесе сауда өкілінің аты мен мекен-жайы.

20. Дәрілік заттардың халық арасындағы жарнамасында:
1) медицина, фармацевтика қызметкерлерінің белгілі адамдардың образы пайдаланылмауы;
2) жеке бастарының танымал болуы салдарынан дәрілік заттың қолданылуын ынталандыруы ықтимал ғалымдардың, денсаулық сақтау қызметкерлерінің, сондай-ақ мемлекеттік қызметшілер мен басқа да адамдардың ұсыныстарына сілтеме жасалмауы;
3) дәрілік заттың бірегей, мейлінше тиімді әрі қауіпсіз дәрі ретінде ұсынылмауы;
4) өндіруші-кәсіпорындардың абырой-беделіне нұқсан келтірмеуі, дәрілік заттың әсеріне тұтынушының күмәнін туғызбауы;
5) материалда балаларға қолданудың айрықшалығы немесе артықшылығы туралы ақпарат болмауы;
6) осы дәрілік заттың қауіпсіздігі мен тиімділігі оның табиғи тегіне байланысты деген тұжырымдаудың болмауы;
7) қате диагностикалауды және өзіне-өзі диагноз қоюды туғызуы мүмкін симптомдар сипатталмауы немесе ауру тарихы келтірілмеуі;
8) медициналық консультациялардың немесе хирургиялық операциялардың қажет еместігіне сенім ұялатпауы;
9) жарнамалап отырған дәрілік затпен емдеудің тиімділігі кепілдендірілген, препаратты қабылдағанда жанама әсерлерінің болмайтыны туралы жорамал туғызбауы;
10) жарнамаланаты дәрілік затты немесе емдеу әдісін қолдануға дейінгі және одан кейінгі адам денесінің немесе оның бөліктерінің салыстырмалы өзгерістері көрсетілмеуі;
11) дәрілік затты қолданбаса, адам денсаулығы нашарлап кетуі мүмкін деген сенім туғызбауы;
12) жарнамалау тиімділігін арттыру мақсатында басқа дәрілік заттармен өрескел салыстыруларға жол берілмеуі керек;
13) сауығуға байланысты пікірлерге сілтеме жасауға, дұрыс емес немесе шатастыратын терминдерге сүйенуге болмайды.

Дәрілік заттардың жарнамасынарұқсаттарды ресімдеу және беру

21. Дәрілік заттың жарнамасына рұқсат алу үшін жарнама беруші мемлекеттік органға мынадай құжаттарды ұсынады:
1) осы Ережеге1-қосымшаға сәйкес белгіленген үлгідегі өтініш;
2) қағазға жазылған мемлекеттік және орыс тілдеріндегі ақпараттың жарнамалық мәтіні;
3) телевизия арналарында және радиоларда жарнама бейне-, аудиожазбадағы мемлекеттік және орыс тілдеріндегі жарнамалық ақпараттың мәтіні;
4) қолдану жөнінде мемлекеттік және орыс тілдеріндегі нұсқаулықтың көшірмесі;
5) дәрілік заттың Қазақстан Республикасында тіркелгенін растайтын құжат (тіркеу куәлігініңкөшірмесі);
6) Қазақстан Республикасыныңсертификаттау жөніндегіаккредиттелген органы берген, белгіленген үлгідегі сәйкестік сертификатының көшірмесі;
7) дәрілік затты өндіруге немесе сатуғалицензияныңкөшірмесі, шетелдік өндіруші-фирмалардың өкілдіктері үшін - оның мемлекеттік немесе орыс тілдеріне ресми аудармасы.

22. Құжаттардағы барлық ақпараттар дәл, дер кезіндегі, тексеруге жеңіл және мейлінше толық болуы керек.

23. Өзге ғылыми медициналық журналдардан немесе өзге де ғылыми басылымдардан алынып пайдаланылатын цитаталар, кестелер, суретті материалдар алғашқы нұсқаға сілтеме жасай отырып дәл қайта көрініс табуы тиіс.

ответил от Surak_zhauap
0 голосов

Жарнама, оның мәні, функциясы, рөлі мен мағынасы

Тауарды нарыққа жылжыту жүйесіндегі маркетингтің классикалық тұжырымдамасында жарнаманы ең бірінші орынға қояды. Ол болашақ сатып алушылардың санасы мен назарына тауарлар мен қызметтер туралы маңызды фактілер мен мәліметтерді жеткізу үшін көркем көрсетілген нысанда қысқа және нұсқа түрінде ұсынылады.

Жарнаманың мәні оның қоғамдағы алатын қоғамдық, экономикалық, маркетингтік және коммуникациялық рөліне байланысты.

Жарнаманың қоғамдық рөліоның адамдардың санасы, көзқарасы, пікірлері мен мінез-құлқының қалыптасуына әсерін тигізуінде. Сәннің, стильдің және дизайнның беталысын (тенденциясын) көрсету арқылы жарнама адамның эстетикалық қажеттілігіне әсер етеді.

Жарнама сұраныс пен ұсыныс жасауға, бәсекенің пайда болуына, инвестиция үйіруге, өткізу нарығының кеңеюі мен сайып келгенде, жалпы экономиканың және оның әр түрлі саласының дамуына әсерін тигізеді. Бұл жарнаманыңэкономикалықрөлін ерекшелейді. Жарнама тек өнім туралы ақпарат беріп қана қоймай, оның тұтынушы санасында әлдебір бейне ретінде қалыптасуына әсер етеді. Осыдан жарнаманыңкоммуникациялықрөлін байқауға болады.

Жарнама тауар сұранысының, өткізу көлемінің және фирма пайдасының өсуіне әсер етеді. Бұл оныңмаркетингтікрөлін көрсетеді.

Бастапқыда жарнаманың даму орталығы Ұлыбритания болды, кейіннен әлемдегі жарнама шығындарының жартысынан көбі АҚШ-қа ауысты. Халықаралық жарнама ассоциациясының көптеген елде жүргізген зерттеулері бойынша қазіргі қоғам экономикасы дамуындағы жарнаманың маңыздылығын Батыс Еуропа респонденттерінің 75%-ы, Азия Тынық мұхит аймағының 76%-ы, Балтық жағалауы мемлекеттерінің 71%-ы атап өтті. Осы аталған мемлекеттер респондеттерінің 70%-ға жуығы жарнаманың тауарлар мен қызметтер сапасын жақсартуға әсері бар екенін айтты. Әлемнің ең ірі жарнама берушілерінің тізімінде «Procter & Gamble» компаниясы бірінші орында. Оның жарнама шығындары 1993 жылы 3,6 млрд. доллар немесе компанияның сату көлемінің 15,5%-на жуық болды.

Жарнама берушілер– бұлар өндірушілер, бөлшек-көтерме саудагерлер, мемлекеттік емес ұйымдар және т.б. Қазақстан нарығында негізгі жарнама берушілер – шетелдік компаниялар. Мәселен, «Procter & Gamble» компаниясының 2002 жылғы жарнамалық бюджеті 3,8 млн. доллар, «Unilever»-дікі – 2,8 млн. доллар, «LG Electronics», «Coca-Cola» компанияларынікі – 1,9 млн. доллар болды. Отандық жаранама берушілер бюджет бойынша шетелдік компаниялармен бәсекеге түсе алмайды. Осыған қарамастан «Қант орталығы», «Terra Incognito» деп аталған брэндін жасап шығарған жарнама компаниясына кеткен шығындары бойынша Қазақстанда екінші орынды иеленді.

Жарнама агенттіктері– жарнама қызметін ұсынатын делдалдар. Олардың көбі бұқаралық ақпарат құралдарын таңдау, жарнама орнын немесе уақытын сатып алу, жарнама науқанын шығармашылық өңдеу және жарнама жасау сияқты қызметтерді ұсынады. Жарнама беруші оны шығаруға байланысты кейбір қызмет түрлерін өзі жасай алады. Жарнама агенттіктерін таңдаған кезде жарнама бағасын, олардың шығармашылық мүмкіндіктерін, қызметінің сапасын талдау керек.

Көрсетілетін қызмет көлеміне байланысты жарнама агенттіктері әмбебап және мамандандырылған болып бөлінеді. Әмбебап жарнама агенттігі ақпарат және жарнама қызметінің барлық аумағындағы қызметін ұсынады. Осындай агенттіктерге «Стикс», «Юлия», «Триумф», «Бизнес Магазин», «Алина» және басқалар жатады. Жергілікті өндірушілердің көбі ақшалай қаражаттың жетіспеушілігіне байланысты жарнама агенттіктеріне жүгінбей-ақ, жұмысты өздері істегенді қалайды. Мысалы, «Фуд Мастер», «Беккер және К», «Рахат» тікелей БАҚ-тың жарнама бөлімдерімен тікелей өзара әрекет жасап, жарнамаларын орналастырады. Ал «Филип Моррис», «PRG Botllers», «Қант орталығы», «Бахус» сияқты компаниялар жарнама агенттіктерімен тікелей байланысып, жарнамаға тапсырыс береді. Олар «Ogilvy & Mather», «Mc Cann-Erikson», «Styx/Leo Burnett», «D’Arcy», «Initative», «Panda» ірі ағылшын саксондық-американдық концерндерінің желілі агенттіктерімен жұмыс істеуді қалайды. Қазақстан нарығында да жергілікті жарнама агенттіктері дамуда, олардың ішіндегі «Proba», «Pro-Metia Counsel», «Das-Marketing» сияқты жетекші агенттіктер клиенттерге барлық ақпараттық-жарнамалық іс-әрекет бойынша қызмет етеді.Мамандандырылған жарнама агенттігі жарнама қызметінің белгілі бір түрін ұсынады. Оларға шығармашылық шеберханалар, жарнама уақытына ие болатын фирмалар жатады.Шығармашылық шеберханалар жарнаманың ерекше көркем тұжырымдамаларын жасап, ол туралы материалдарды дайындайды, бірақ жарнаманы өткізуде, ұйымдастыруда толық ауқымды қызметтер көрсетпейді. Мәселен, «Герона», «Гридан», «Киік» агенттіктері кең өрісті полиграфиялық қызметтерді, визуалды жарнама жасайтын жаңа технологияларды ұсынады. Жарнама уақытына ие болушы фирмалар алдын ала үлкен көлемде БАҚ-тан орын сатып алады, содан кейін оны жарнама берушілерге және жарнама агенттіктеріне сатады. Қазақстан Республикасы Статистика агенттігінің мәліметтері бойынша жарнама қызметінің нарығында 788 жарнама агенттіктері тіркелген, ал оның саны Жапонияда 4000-ға жетеді.Жарнама агенттіктердің барлық түрлері өздерінің пайдасын бұқаралық ақпарат құралдарынан түсетін комиссиялық алым немесе көрсетілген қызметтері үшін үстеме баға қою арқылы тауып отырады.

ответил от Surak_zhauap
0 голосов

Жарнама құралдары– жарнама таратушылардың жиынтығы. Бес түрлі бұқаралық ақпарат құралдары бар, оларға баспасөз, теледидар, жарнама, радио, кино жатады. Қазіргі қоғамда жарнама туралы адамдарда әр түрлі пікірлер қалыптасқан. Жарнаманы сынаушылар оны адам санасын улайтын, тауарға қосымша құндылық дарытып, жалған қажеттіліктерді туғызатын айлалы әрекет деп жағымсыз жақтарын ғана көрсетеді.

Жарнама түрлері

Шарттылықтың нақты дәрежесін қолданатын қызметтердің мақсатты аудиторияға әсері негізінде жарнаманың келесі түрлерін бөліп көрсетуге болады: ақпаратты, сендірме (соңғысы салыстырмалы жарнама болуы мүмкін) және ескертпе жарнама.

Ақпаратты жарнамасұранысты туғызу мақсатында тұтынушыларды тауарлар және олардың қызметтері туралы хабардар ету үшін қолданылады. Жарнаманың бұл түрі іскерлік сипатта болады және ол адам сезімінен гөрі, санасына бағытталған. Мұнда өз тауарын жарнамалаушы ұйымның деректемелері хабарланады. Жарнаманың бұл түрі көбінесе өндірістік-техникалық тағайындалған тауарды жарнамалау үшін қолданады.

Сендірме жарнама– маркаға деген тартымды талғам қалыптастыру.Өз маркаңызға ауысуды мадақтау, тұтынушының тауардың сипаттарын ұғуын өзгерту, тұтынушыны делдалды қабыл алуға көндіру.

Салыстырмалы жарнама– тауардың бір маркасының басқа тауар маркасымен тікелей немесе жанама салыстыру. Өз жаңа тауарыңды алдындағы тауармен салыстыру әлдеқайда оңай. Ал бәсекелесіңнің тауарымен салыстыру қиынырақ. Мысалы, тіс пастасы, бәсекелес марканың атауын көрсетпей.

Ескертпе жарнама– тұтынушыларға кешікпей тауарға қажеттік туатынын ескерту. Тауарды қай жерде сатып алатынын еске салу және тауар туралы мағлұматтылықты жоғары деңгейде ұстау.

Ақпаратты жарнама енгізу және өсу сатыларында қолданылады. Сендірме – бәсекелестік орнаған жағдайда,нарықты толық қамтамасыз ету сатысында. Ескертпе жарнама кемелдік сатысында, ал салыстырмалы жарнама өсу және кемелдік сатыларында қолданылады. Құлдырау сатысында кез келген жарнаманың тиімділігі тез арада төмендейді. Жарнама құралдарын таңдау процесі мынадай бірнеше кезеңдерден тұрады: жарнама құралдарын қамту ауқымын анықтау; жарнаманың қайталану жиілігі және әсер ету күші туралы шешім қабылдау; оны тарату құралдарын таңдау; жарнама жеткізушілерін таңдау; құралдарды қолдану графигі туралы шешім қабылдау.

Қамту ауқымы– берілген уақыт аралығында жарнама науқанымен таныстыратын мақсатты аудиториядағы адамдардың белгілі бір пайызы. Қайталану жиілігі– мақсатты аудиторияның өкіліне арналған хабарландыру әсерінің қайталану саны.Жарнаманың әсерін жиынтық бағалау балын (ЖББ) анықтау арқылы өлшеуге болады.

Жарнама жеткізушілері –бұл жарнаманың әр түрін тарататын нақты құралдар. Бұл – нақты журналдар, телешоу және радиобағдарламалар. Теледидарда жарнама орналастыруға болатын көптеген арналар мен бағдарламалар бар. Ыңғайлы уақытта жарыққа шығатын бағдарламалар арнайы сұранысқа ие және бағасы өте жоғары болады. Жарнаманы басылымда орналастырғанда оның тиражына, жарнама орнының бағасына, басылым жиілігіне, беделіне, мақсатты аудиториясына, басылым сапасына аса көңіл аудару керек.

Жарнаманың әсер ету күшіаудиторияның құрамына және басылым сапасына тікелей байланысты.Мысалы, косметикалық бұйымдарды арнайы журналдарда жарнамалау керек. Жарнаманың әсер ету күші мен құнына ықпал ететін факторлар арасынан жол таба білу керек.

ответил от Surak_zhauap
0 голосов

Өткізуді ынталандыру, оның түрлері және құралдары.

Өткізуді ынталандыру– тауарлар мен қызметтерді сатуды ынталандыратын шаралардың кешені. Олар тауар орамасын, купондарды, сыйақы беру, тауар бағасын арзандату, несие, байқаулар, таныстыру рәсімдерін өткізу, лотерея, сыйлықтар және тағы басқаларды қолдану арқылы жүзеге асырылады.Өткізуді ынталандыру тұтынушылар іс-қимылына әсер етеді. Мысалы: тұтынушылар әр түрлі акциялар, бір бағамен екі тауар сатып алу, сыйлық немесе бір нәрсе ұтып алу сияқты хабарламалар естігенде. Экономикалық әдебиеттерде оның синонимі ретінде өткізуді қолдау, сейлз промоушн сияқты түсініктер қолданылады.

Өткізуді ынталандыруға ықпал етудің әдістері

Субъектілер

Ықпалдың әдістері

Сатып алушылар

Бағадан кемітпелер, көптеп сатып алушыны ынталандыру (купондар, лотереялар, тарту-таралғылар, конкурстар), тауарды несиеге сату,жеңілдікті ұсыным.

Табыстырушылар

(делдалдар)

Бағадан кемітпелер, тауардың бір бөлігін ақысыз жеткізу, сыйлықтар, тартулар, конкурстар.

Сатушылар

Сыйлықтар, конкурстар, купондар, жеңілдіктер, несие, презентациялар, сыйақылар, тауар орамасы, тегін үлгілер, лотереялар, ақшаны қайтару кепілдігі.

Ынталандыру науқанын бастау алдында оның жоспары құрылады. Ол жоспарда тұжырымдамасы, ынталандыру нысаны, бюджеті, шарттары, мерзімдері, өткізілу ұзақтығы анықталуы керек.Өткізуді ынталандырудың тұжырымдамасы өзінің сауда қызметкерлерінің, сауда саласының және тұтынушылардың мақсаты мен бағытына байланысты құрылады. Өткізуді ынталандыру шарттары – бұл делдалға немесе сатып алушыға қойылатын талаптар. Мысалы, дистрибьютер тауарды сақтауы және жарнамалауы керек. Ынталандыру шарттары орындалмаған жағдайда оның мақсаты жүзеге аспайды.Өткізуді ынталандырудың мерзімі жиі немесе қысқа болады, кейде ол маусым кезінде өткізіледі, сондықтан оның өткізу мерзімін дұрыс таңдау аса маңызды. Өткізуді ынталандыруды саудагерлер өндірушілермен бірлесіп жүргізсе, оның шығындары да бірігіп төлегендіктен азаяды.Жүргізілген ынталандыру түрінің тиімділігін бағалау өте маңызды орын алады.

ответил от Surak_zhauap
0 голосов

Қазақстанның фармацевтикалық-медициналық кәсіпорындарының қызметі жаңа экономикалық жағдайларда бірқатар түйткілдер салдарынан шиеленісіп отыр.

Қазақстан Республикасы «Атамекен» Ұлттық кәсіпкерлер палатасында Фармацевтикалық, медициналық өнеркәсіп және медициналық қызметтер комитетінің кезектен тыс отырысы өтті. Отырыс мақсаты Қазақстанда жаңа ақша-кредит саясатын енгізумен байланысты тегін медициналық көмектің кепілдендірілген көлемі жағдайындағы фармацевтикалық нарық пен медициналық қызметтер нарығының ағымдағы ахуалын талқылау болды.

Іс-шара Басқарма мүшесі, Ұлттық палата Басқарма Төрағасының орынбасары Юлия Якупбаеваның төрағалығымен өтті.

Палата басқарма төрағасының орынбасары отырыс басталмай тұрып медициналық техника жеткізушілер қауымдастығы мен «Қазақстанның ФармМедИндустриясы» президенті Серік Сұлтановқа «ҚР Конституциясының жиырма жылдығы» медалін салтанатты түрде табыстады. Бұдан біраз бұрын Мемлекет басшысының Жарлығымен Серік Егелұлы еліміздегі фармацевтика саласын дамытуға қосқан елеулі үлесі үшін аталмыш марапатқа ұсынылған еді.Жаңа экономикалық жағдайдағы фармацевтика нарығы субъектілері қызмет етуінің көкейкесті мәселелерін талқылау барысында ҚР Ұлттық экономика министрлігі дайындап жатқан «Орта мерзімдік келешекте экономикалық өсімді қамтамасыз ету жөніндегі шаралар жоспарын» қалыптастыру төңірегінде ұсыныстар айтылды.Пікірталасқа қатысушылар медициналық көмектің кепілдендірілген көлемі аясында сатылып алынатын өнім бағасын белгілеу механизмінің кемшіліктерін сынға алды. Сатып алулардың қолданыстағы тәртібін жетілдіру қажет екені, атап айтқанда теңгені долларға шаққандағы бағам өзгерісі коэффициентін қолдану қажеттігі аталды.Талқылау барысында фармацевтикалық өнім өндірушілер мен дистрибьюторлар компанияларының рентабельділігінің төмендеуіне алаң білдіріп, халықты дәрі-дәрмекпен қамтамасыз ету іс-шараларында олқылық орын алуының ықтимал тәуекелін көрсетті.

«Бүгінгі таңда бірқатар маңызды тұстарды ескеру қажет: бағадан «СК-Фармация» ЖШС 9% мөлшеріндегі үстеме бағасы алынып тасталды, жеткізілген өнім үшін ай сайынғы 3% төлем мөлшеріндегі кредиттік желі бойынша кәсіпкерлер шығындары көзделмеген. Және де бұған Бірыңғай дистрибьютордың жеткізілген өнім үшін төлемді 90 банк күні өткеннен кейін жасайтынын қосыңыз», - деп «Стофарм» ЖШС бас директоры Әнуар Ерлепесов жиналғандардың назарын аударды.Оның айтуынша, теңге бағамын түзеткенге дейін фармацевтикалық кәсіпорындар Қазақстан Республикасы Денсаулық сақтау және әлеуметтік даму министрлігімен бағаларды төмендету бойынша келіссөздер жүргізген болатын. Аталмыш келіссөздер қорытындысы бойынша ең қажетті дәрі-дәрмектер бағасы 20% төмендетілген болатын. Дәрі-дәрмектер мен дәрілік препараттарды арзандату жөніндегі келесі қадамдар бағаның жалпы алғанда 50% төмендеуіне алып келді.Алайда министрлік шенеуніктері бұны жеткіліксіз деп санайды.

«Министрлік бағаларымызды Ресей нарығының көрсеткіштерімен салыстырып отыр, ал бұл қазақстандық кәсіпкерлерді тең емес жағдайға қалдырады. Егер өндірушілер көбіне өткізу көлемінің көп болуы салдарынан Ресей аумағында төмендетілген бағамен жұмыс жасауға дайын болса, қазақстандық нарық жайлы бұлай айта алмайсың», – деді Әнуар Ерлепесов.

Отырысқа қатысушылар басқа да толғақты түйткілдерімен бөлісті.

«Дистрибьюторлар қызметтерінде импорт 100% құрайды. Сонымен біргедистрибьюторлар алдында халықты дәрілік заттармен үздіксіз қамтамасыз ету деген маңызды міндет тұр. Халықаралық GDP стандартына көшу де едәуір инвестицияны талап етеді. 2014 жылғы қызмет қорытындысы бойынша 3 млрд теңгеге жуық шығын көрдік. Оның ішінде тек 20% ғана шетелдік серіктестер есебінен өтелді. Қарыздық қаражаттың шектеулі қолжетімділігі мен қымбат тұратын сертификаттау процедураларын жүргізу дистрибьюторлардың өндірістік емес шығындарын одан сайын арттыруда. Шара қолданылмаса, дистрибьюторлар жақында халыққа өнім жеткізуден бас тартады», - деп есептейді«КФК Медсервис» ЖШС бас директоры Жанат Кәрімов.

Кәсіпкерлер басқа да түйткілдермен бірге мемлекеттік мекемелер тарапынан дәріхана ұйымдарын «өз бетінше тексерудің» жиілеп кеткені жайлы тақырыпты қозғады. Ал мемлекеттік органдар дәрі-дәрмектер бағасын «тежеу» туралы бизнеспен келісілмеген шешімдерге сілтеме жасайды. «Биылғы жылдың наурыз айында бизнес-қауымдастықтар ҚР Денсаулық сақтау және әлеуметтік даму министрлігімен дәрі-дәрмектер мен медициналық мақсаттағы бұйымдардың 200 атауының бағасын тежеу жөніндемеморандум жасалды. Алайда жақында Қарағандыда жергілікті монополияға қарсы комитет департаментінің өкілдері өздерінің жеке препараттар тізімін басшылыққа ала отырып, дәріханаларда бағаны тежеу мәніне тексеріс жүргізді. Мұны қалай түсінуге болады? Не болмаса біздің келісуімізсіз тағы бір меморандум жасалған ба? Және де мұндай қанша тізім бар?», - деп наразылық білдірді«Аманат» ЖШС өкілі Александр Швечихин.

Фармацевтикалық бизнес жолында кездесетін басқа да әкімшілік кедергілер баршылық.

«Жақында «Дәрілік заттарды фармокологиялық қадағалауды және дәрілік заттардың, медициналық мақсаттағы бұйымдар мен медициналық техниканың жанама әсерлерінің мониторингін жүргізу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 421 бұйрығы қабылданды. Аталмыш құжатта өндірушілердің уәкілетті ұйымға дәрілік заттардың, медициналық мақсаттағы бұйымдардың және медициналық техниканың қауіпсіздігі жайлы мерзімді түрде жаңартылып тұратын есебін ақпаратты ағылшын тілінен мемлекеттік және орыс тіліне аударумен ұсынып отыруы көзделген. Мұндай есептер әдетте 1 мың беттен асатын көлемді құрайды. Оларды аудару кәсіпкерлер үшін 1000-5000 доллар сомасына түседі. Аталмыш шығынның препараттардың ақтық құнына кіргізілетіні түсінікті. Бұл тәртіпті де қайта қарау қажет», - деп ұсынды «Джонсон&Джонсон» компаниясының өкілі Равиль Блатов.

Қазақстан Республикасындағы Халықаралық өндірушілер қауымдастығының атқарушыдиректоры Светлана Оспанова қосарлы сертификаттау түйткіліне назар аударды.

«Дәрілік заттарды қосарлы сертификаттауды (қауіпсіздік пен сапасын бағалау) алып тастау қажет. Қазір бұл тексеріс кәсіпкерлер есебінен шетелдік өндірістік алаңдарға барумен өндіріс жағдайын бағалау жолымен жүргізіледі. Бірақ сонымен бірге өнімнің әрбір топтамасы тексеріледі. Және де бұл шығындардың барлығы Қазақстандағы ақтық өнімнің бағасынан көрініс береді әрі бәсекеге қабілеттілігін төмендетеді», - деп атады Светлана Оспанова.

ответил от Surak_zhauap
0 голосов

Жеке меншік медициналық құрылымдар қауымдастығының президенті Гүлнара Өтепова және Медициналық техника жеткізушілерінің қауымдастығы және «Қазақстанның ФармМедИндустриясы» президенті Серік Сұлтанов Ұлттық палатаның отандық тауар өндірушілерді қолдау жөніндегі және жеке меншік медициналық ұйымдар қызметінің ерекшеліктерін ескере отырып Санитарлық қағидаларды жетілдіру аясында бизнес-құрылымдардың мемлекеттік органдармен әрекеттестігі бойынша көрсеткен елеулі қолдауын атап өтті.

Фармацевтикалық, медициналық өнеркәсіп және медициналық қызмет комитетінің мүшелері отырыс қорытындысы бойынша бірқатар шешімдер қабылдады. Біріншісі – «Орта мерзімдік келешекте экономикалық өсімді қамтамасыз ету жөніндегі шаралар жоспарына» үстіміздегі жылдың 1 қыркүйегіне дейін ҚР Ұлттық экономика министрлігіне жолдау үшін, Медициналық көмектің кепілдендірілген көлемі аясында дәрі-дәрмектерді сатып алу процедураларын және бағаларды қайта қарау қажеттігін анық негіздеумен шоғырландырылған ұсыныстар дайындау.

Комитет мүшелері ҚР Денсаулық сақтау және әлеуметтік даму министрлігінің атына дәрілік заттар мен медициналық мақсаттағы бұйымдар бағасын Қазақстандағы жаңа ақша-кредит саясатын енгізумен болған кепілдендірілген көлем аясында қайта қарау қажеттігі туралы хатпен жүгінуге қаулы етті.

Нормативтік-құқықтық базаға талдау жүргізумен денсаулық сақтау саласында кәсіпкерлік қызметті жүзеге асыру үшін әкімшілік кедергілерді төмендету жөніндегі жұмыс тобын құруға шешім қабылданды.

Қазақстан Республикасының фармацевтикалық нарығын талдау

Қазақстанда дәрілік препараттарды өндірумен айналысатын 100-ге тарта кәсіпорын тіркелді. 2005 жылы жалпы соммасы 3,16 миллион теңгені құрайтын медициналық препараттар өндірілді, бұл 2004 жылмен салыстырғанда 110 %-ке жоғары. Айта кететін жайт, 2005 жылы медициналық препараттардың экспорты 305,8 миллион теңгені құрады.Қазақстан Республикасын медициналық препараттармен негізгі жабдықтаушылар препараттарды әкелу көлемінің қысқару ретімен келесі кестеде көрсетілген:

1-кесте – ­­­­­­­­­­­­­­­­­­­­­­­­­­­­­­­ҚР медициналық препараттармен негізгі жабдықтаушылар.

Бағасына байланысты

Санына байланысты

1.

Ресей

1.

Ресей

2.

Германия

2.

Үндістан

3.

Үндістан

3.

Беларусь

4.

Венгрия

4.

Литва

5.

Словения

5.

Германия

6.

Франция

6.

Польша

7.

Польша

7.

Франция

8.

Литва

8.

Венгрия

9.

Болгария

9.

Швейцария

2005 жылы импорт көлемі 26 миллиард теңгені (186,6 миллион АҚШ долларын) құрады, 2004 жылмен салыстырғанда 26 % өскенін білдіреді.

Берілген мәлімметтер бойынша ішкі күштер нарық қажеттіліктерінің 11% қанағаттандырады.

Бірақ орташа қазақстандық тұтынушының дәрілік препараттарды сатып алудың нақты көлемдері дамыған елдердегі (АҚШ, Батыс Еуропа) медициналық препараттарды тұтынумен салыстырғанда бірнеше рет (шамамен 10 рет) төмен.

Қазақстандағы нарықтық қарым – қатынастардың дамуымен байланысты тауарлардың әртүрлілігінің өсуі тек қана азық – түлік тағамдарының нарығына ғана емес, сондай-ақ дәрілік препараттар нарығына да үлкен әсерін тигізді. Қазіргі уақытта дәрілік препараттар нарығында әлемдік фармацевтикалық нарықтың барлық танымал өндірушілері ұсынылған. Бұл жағдай тұтынушыға өзіне неғұрлым ыңғайлы және тиімді дәріні таңдауға мүмкіндік береді.

Қазақстанның фармацевтикалық нарығы қарқынды даму үстінде және жақын болашақта украиналық нарықты басып озуы мүмкін. Бірақ бұл тек мына жағдайда болуы мүмкін: егер Ресейдің табысты мысалына жүгініп, Қазақстанның билік күштері отандық фармацевтерге қажетті қолдау көрсеткенде.Сарапшылардың пікірінше, бүгінгі таңда ресейлік фармацевтикалық нарық ТМД елдерінің арасында дамыған болып есептеледі, ал медициналық препараттардың украиналық нарығы дамуы жағынан 2 жылға артта қалып қойды, ал қазақстандық нарық 4 жылға артта қалды. Ресейдегі фармацевтикалық саланың дамуында маңызды рөлді қосымша дәрілік қамтамасыз етудің мемлекеттік бағдарламасы атқарады. Бұл бағдарлама мемлекет бюджетінен қаржы құралдарын бөлу есебінен нарық көлемін ұлғайтуға мүмкіндік туғызды. Осы бағдарлама есебінен 2005 жылы ресейлік нарық 25 – 28 % — ға өсті.

Қазақстанның дамуы дәрілік препараттар нарығына шетелдік өндірушілер де қызығушылық білдіреді. Сарапшылардың айтуынша, бірнеше шетелдік фармацевтикалық компаниялар Қазақстандағы өздерінің фирмалары мен өкілдіктерінің инфрақұрылымына күрделі инвестициялар салуды жоспарлап отыр.Бұл нарықта отандық фармацевтердің позициялары едәуір көзге түседі. Ірі украиналық компаниялар, атап айтқанда, «Дарница», «Фармак» және «Борщаговский ХФЗ» компаниялары нарықтың 57 % алып жатыр. Бірақ күшейіп жатқан бәсекелестікті және Қазақстан нарығының дамуқарқынын есепке алғанда, нарық үлестерінің бөлінуі жақын уақыт аралығында өзгеруі мүмкін.

Егер қазақстандық фармацевтика нарығын жалпы қарастырсақ, қазіргікезде 6000 препараттар бар, олардың 600 дәрілері Қазақстанда өндіріледі. Дәрілік заттардың нарық көлемі жалына 400 миллион АҚШ долларына бағаланады. Шетелдік фармацевтикалық компаниялардың 100 өкілдіктері қазақстандық нарықта әрекет етеді. Қазақстандағы дәрілік препараттардың ең ірі жабдықтаушылары болып Ресей, Германия, Франция және АҚШ саналады. 2006 жылдың бірінші кварталы бойынша отандық өндірушілер сату көлемнің екі реттік өсімін көрсетті. Медициналық жүйеге деген азаматтардың қарым-қатынасы қандай? Қазақстанда респонденттердің 52% емдеу мекемелерінің қызметі жайлы өткір сын айтқан жоқ. Басқа 40 % қанағаттанбаған және 8% мүлдем наразы.

Қазақстанның денсаулық сақтау министрлігінің ақпарат қызметінің мәліметтері бойынша республикалық бюджетте 2006 жылы денсаулық сақтау шығындарына 80 миллиардтан астам теңге бөлінген. Негізгі акцент емханалардың материалдық – техникалық базасын жақсартуға, халықты профилактикалық медициналық тексеруге, азаматтарды дәрілермен қамтамасыз етуге, денсаулық сақтау объектілерін салу мен жаңғыртуға қойылған.Бұрын көптеген дәрілер дефицит болып, оларды сатып алу қиынға түсетін. Бірақ қазір нарықтық экономика жағдайында бұл мәселе шешілді (2-кесте). Респонденттердің 17% көзқарасы бойынша барлық маңызды препараттарды Қазақстанда сатып алуға мүмкіндік бар, басқа 45% маңызды дәрілердің басым көпшілігі бар дейді, және 38% маңызды препараттардың тек кейбіреулерін ғана қазақстандық халық сатып алуы мүмкін деп айтады.

ответил от Surak_zhauap
0 голосов

Қазіргі уақытта Қазақстанда отандық фармацевтикалық өндірушілердің арасында «Химфарм» компаниясы көшбасшы болып табылады.

1882 жылы Шымкент химия – фармацевтикалық зауыттың негізі қаланды. Әлемнің барлық елдерінде сапасы жағынан жақсы танылған сантонин дәрісін шығаруды бастағаннан кейін өндіріс тез дамып, шығарылған өнім ассортименті ұлғайды.Ұзақ уақыт бойы зауыт тек фармацевтикалық субстанцияларды шығаруға маманданған болатын. Бірақ Қазақстан тәуелсіздік алғаннан кейін елде өзіндік фармацевтикалық индустрияны дамыту қажеттілігі туындады. Әсіресе бұл дайын дәрілік препараттарды өндіруге қатысты болды. Осының салдарынан «Химфарм» АҚ (осылай 1993 жылы зауыттың аты өзгертілді) негізінде дайын дәрілік препараттарды шығару бойынша қазіргі заманғы ірі өндірісті құру бағдарламасы жасалып, сенімді түрде іске асырылды.

2-кесте – Дәрілерді сатып алу мүмкіндігінің деңгейі.

Мемлекттер

барлық маңызды дәрілер

маңызды дәрілердің басым көпшілігі

тек кейбір маңызды дәрілер ғана

бәрібір

1

Австрия

45

46

4

5

2

Босния-Герцоговина

32

42

25

1

3

Хорватия

21

52

26

1

4

Чехия

25

47

15

13

5

Венгрия

36

56

7

1

6

Қазақстан

17

45

38

7

Польша

32

48

15

5

8

Румыния

15

45

38

2

9

Ресей

18

39

24

19

10

Словакия

18

57

23

2

11

Словения

21

54

8

17

12

Украина

21

37

16

26

Қазіргі кезде зауыт SANTO сауда белгісімен аталатын дайын дәрілік препараттарды шығару үрдісін дамытуда және қазіргі заманғы құрал – жабдықтармен өндірілетін дәрілердің тізімін кеңейтуде.

Зауытта белгілі дәрілік формаларды шығаруға маманданған 5 негізгі цехтар бар. Олар мыналарды өндіреді:

— Ампулалардағы инъекциялық ерітінділер;

—Инъекциялар үшін флакондардағы антибиотиктердің залалсыздандырылған ұнтағы;

— Дәрілер, капсулалар;

— Бальзамдар, тұнбалар, сироптар, сулы, майлы және спирттік ерітінділер;

— өсімдік шикізатынан және химиялық синтездің негізінде жасалған фармацевтикалық субстанциялар.

Зауытта майлар, линименттер, суппозиториялар түрінде жұмсақ дәрілік формалардың өндірісі бойынша жаңа бағыттар жүргізіліп жатыр.

Зерттеу лабораториясы барлық технологиялық құралдармен жабдықталған. Кәсіпорын өзінің өнімдерін тек ішкі нарық үшін өндіріп қана қоймайды, сонымен бірге оларды алыс және жақын шетелдерге экспорттайды. Қазақстанда өндірілетін фармацевтикалық өнімдердің жалпы көлемінде кәсіпорын үлесі 55 % — ды құрайды.

Қазіргі кезде зауыт капсулалар, дәрілер, ампулалардағы инъекциялық ерітінділер, сироптар, тұнбалар, майлар, сулы және спирттік ерітінділер формасында дженериктік және таза (оригиналды) дәрілік препараттардың 200 – ден астам түрлерін өндіреді.

Өндірістік үрдістің барлық кезеңдері автоматты тестілеуді өтеді және микробиологиялық тазалыққа сертификацияланады. Соңғы өнімнің сапасы компанияның қазіргі заманғы аналитикалық құрал – жабдықтармен жабдықталған лабораториясында бақыланады.

Зауыт өнімінің жоғары сапасы мыналарға байланысты қамтамасыз етіледі:

— IMA фирмасы (Италия) өндірген қазіргі заманғы жоғары технологиялық құрал — жабдықтар;

— Дәрілік препараттар өндірісінің барлық кезеңдерінде халыққаралық стандарттармен сәйкес жүргізілетін бақылаудың қатал жүйесі;

— Европалық жабдықтаушылардың дәрілік субтанцияларын пайдалану.

Компанияның дженериктік препараттары өздерінің құрамы мен әсер етуі жағынан таза (оригиналды) дәрілік формаларға толық сәйкес келеді. Тестілеу әдістерін жетілдіру дәрілік препараттардың оригиналды препараттардан құрамы мен терапевтік қасиеттерінің ауытқуларын жоюға мүмкіндік береді.

Дайын дәрілік формаларды шығарудың көлемі қарқынды өсіп жатыр. Осының барлығы оларға өмір сүру деңгейін жақсарту үшін қауіпсіз, тиімді, жоғары сапалы және бағасы қолайлы дәрілерді зерттеуге, жасауға және өндіруге мүмкіндік береді.

SANTO компаниясы кардиология, гастроэнтерология, психиатрия мен неврология, гинекология, андрология, урология мен иммунология үшін дәрілік препараттарды жасау мен өндіруде танымал көшбасшы болып табылады.

Клиниктік – фармакологиялық классификациясы:

— аминогликозидтер тобының антибиотиктері

— пенициллин тобының антибиотиктері

— антисептиктер

— жөтелге қарсы дәрілік заттар

— метаболиялық үрдістерді реттейтін дәрілік препараттар

— жүрек – қан тамырлар жүйесіне әсер ететін дәрілік заттар

— сульфаниламидті препараттар

— тұмауды емдеуге арналған препараттар

— орталық нерв жүйесі

— иммуналогия мен аллергология

Орталық Азиядағы дәрілік препараттардың жетекші өндірушісі «Химфарм» компаниясы Қазақстанның, ТМД елдері мен алыс шетелдердің нарықтарында табысты жұмыс істеп жатыр. «Химфарм» компаниясы дәріханалық сатулардың көлемі бойынша жетекші өндірушілер рейтингінде 20 – шы орынды алып отыр, оның үлесі дәріханалық сатулардың жалпы көлемінде 1 % құрады.

«Медфарм Қазақстан» фармацевтикалық және медициналық өнімдердің тауар өндірушілерінің ассоциациясының классификациясы бойынша республикада өндірістің көлемі бойынша фармацевтикалық өнімдер өндірушілерінің 3 тобын бөліп көрсетуге болады. Бірінші топқа «Химфарм» компаниясы кіреді, оның көлемі 2006 жылы 16 млн. АҚШ долларын құрады, бұл отандық фармацевтикалық кәсіпорындармен өндірілген өнімдердің жалпы көлемінің 60%-на сәйкес келеді. Екінші топқа өндіріс көлемі жылына 1 млн. АҚШ долларына аспайтын кәсіпорындар кіреді. Бұл «Леовит» ЖШС, Алматы фармацевтикалық фабрикасы, қан құюдың Республикалық орталығы және «Ромат» ЖШС. Үшінші топқа өндіріс көлемі 300-400 мың АҚШ доллары және одан төмен болатын барлық қалған кәсіпорындар кіреді. Жалпы Қазақстанда дәрілік препараттарды шығаратын 40 кәсіпорын қызмет ететіндігін есепке алғанда, үшінші топқа 35 кәсіпорын жатқызылады (3-кесте).

3-кесте – Өндірістің жылдық көлеміне байланысты Қазақстанның фармацевтикалық өндірушілерінің үш тобы

ответил от Surak_zhauap
0 голосов

Фармацевтикалық өндірушілер

Өндірістің жылдық көлемі, млн.

АҚШ доллары

1

«Химфарм» АҚ

16

2

«Леовит» ЖШС, Алматы фармацевтикалық фабрикасы, қан құюдың Республикалық орталығы, «Ромат» ЖШС

1

3

Қалған 35 компаниялар

0,3

Қазіргі уақытта «Химфарм» акционерлік қоғамы – бұл Қазақстан нарығында дайын дәрілік препараттарды өндіретін барлық отандық және шетелдік компаниялар арасында сату көлемі бойынша көшбасшылардың үштігіне кіретін компания. Кәсіпорын Орталық Азиядағы ең ірі фармацевтикалық кәсіпорын болып табылады. Зауыттың өнімдері Өзбекістанда, Қырғызстанда, Прибалтикада, Грузияда және Украинада сатылады. Өндірістің жалпы көлемінде экспорт үлесі өсіп жатыр 2008 жылға қарай 20%-ды құрайды.

«Химфарм» компаниясы Қазақстанның медициналық тәжірибесінде неғұрлым танымал және кең түрде пайдаланылатын дәрілік препараттардың тізімінен 70% — дан астам түрлерін өндіреді. Қазіргі кезде кәсіпорынның номенклатурасында препараттардың 200 – ден астам түрі бар. Жыл сайын жасау сатысында 35 – 40 препарат болады. «Химфарм» компаниясы – жаңа препараттарды, технологиялар мен талдау әдістерін ендіру мен қолдану бойынша орталығы бар Қазақстандағы жалғыз кәсіпорын. Кәсіпорын ғылыми – зерттеу лабораториясымен, техникалық сапа бөлімімен, орталық – зауыттық лабораториямен жабдықталған. Бұл компанияға өнімнің жаңа түрлерін шығарудың дербес зерттемесін жүргізуге, жобалауға және игеруге мүмкіндік береді.


Қорытынды

Тауарды нарыққа жылжыту жүйесіндегі маркетингтің классикалық тұжырымдамасында жарнаманы ең бірінші орынға қояды. Ол болашақ сатып алушылардың санасы мен назарына тауарлар мен қызметтер туралы маңызды фактілер мен мәліметтерді жеткізу үшін көркем көрсетілген нысанда қысқа және нұсқа түрінде ұсынылады.Жарнаманың мәні оның қоғамдағы алатын қоғамдық, экономикалық, маркетингтік және коммуникациялық рөліне байланысты.Жарнаманың қоғамдық рөлі оның адамдардың санасы, көзқарасы, пікірлері мен мінез-құлқының қалыптасуында әсерін тигізуінде. Сәннің, стильдің және дизайнның тенденциясын көрсету арқылы жарнама адамның эстетикалық кажеттілігіне әсер етеді.


Пайдаланылған әдебиттер

1. Назарбаев Н. А. Казахстан – 2030. Процветание, безопасность и улучшение благосостояния всех казахстанцев. Послание Президента страны народу Казахстана – Казахстанская правда от 11 октября 1997 г.

2. Стратегия индустриально – инновационного развития Республики казахстан на 2003 – 2015 годы, Астана 2003 г.

3. Интернет желісі.

4. Айбын. Энциклопедия. / Бас редакторы Б.Ө.Жақып. - Алматы: «Қазақ энциклопедиясы», 2011.ISBN 9965-893-73-Х

ответил от Surak_zhauap

Похожие вопросы

0 голосов
1 ответ
0 голосов
2 ответов
0 голосов
0 ответов