Тақырыбы: «Еркіндігі
елімнің - Тәуелсіздік!»
Тәрбие сағатының мақсаты:
а)Балаларға тәуелсіздік туралы түсіндіру.Қазақстан
Республикасының басты жетістіктерімен таныстыру,патриоттық,отаншылдық сезімін
ояту,елін,жерін,құреттеуге тәрбиелеу.
Көрнекілігі: Тақырып,ән ұран,суреттер т.б.
КӨРІНІС «ҚАЙРАТТЫҢ
ХАТЫ»
Күй ойналады,
оқушылар ортаға шығады.
Әнұран орындалады.
І жүргізуші:
Бостандық! –деп
аталатын асқақ арман жолында қаншама қан
төгілді,
қаншама батыр мерт
болды. Бұл арпалыс бір күн, бір жыл, бір
мезет емес, талай ғасырларға созылған.
IІ жүргізуші: Қазақ халқы азаттық үшін талай қиындықты
бастан
кешірді. Бірақ
ешқашан мойымады, күресе білді. Азаттық таңы туатынына кәміл сенді.
I оқушы:
Тәуелсіздік
бізге оңай келмейді,
Бұны ешкім
аяп бізге бермейді.
Тәуелсіздік-Қайрат,Ләззат,Ерболдың,
Тас
көшеде тас -талқан боп өлгені.
2-оқушы
Ақталды
бодақтардың ақ талабы,
Әділ іс
әрқашанда ақталады.
Елі үшін
жанын қиған асыл жандар.
Ел
есінде мәңгілік сақталады.
3-оқушы
Желтоқсанның
қанды суық ызғары,
Қалың
әскер қазағымды қорлады.
Тәуелсіздікті
қолдаған жастардың
Отан
үшін табандары тозбады.
4-оқушы
Желтоқсанның
желі, аязы, ызғары,
Қанды
мұзда талай қазақ сыздады.
Ұлт
қамы үшін шыққан сол күн алаңға
Азап
шекті қайсар қазақ қыздары.
5-оқушы
Талай
қазақ қыздарын да тоңдыра,
Талай қазақ гүлдерін де солдыра.
Ел билеуші алып келді Колбинді,
Қазақ ұлы Қонаевтың орнына.
6-оқушы
Егемендік - бұл елімнің елдігі,
Егемендік – барлық ұлттың теңдігі.
Егемендік - елін,жерін қорғаған,
Ербол менен Қайраттардың ерлігі.
7-оқушы
Желтоқсаным – тәуелсіздік тірегі,
Желтоқсанды қадір тұтып тұр елі.
Есте сақтап ағалардың ерлігін,
Жүректерге сақтау керек үнемі.
Видео көрсетіледі.
І жүргізуші:
Қазақ
халқын дүниежүзіне танытқан бұл оқиғаның
алғашқы құрбандары Қайрат Рұсқұлбеков, Ләззат Асанова, Жансая Сабитова, Ербол Сыпатаевтарды еске алып, олардың рухына тағзым
ету парызымыз.
IІ жүргізуші:
1986
жылдың желтоқсаны бүкіл ұлтымыздың жанын жаралап, жүрегіне ызғар шашып кетті, бостандық үшін өрімдей жап-жас қыз-жігіттер құрбан болды.
Біз әрдайым
Қайраттың от жүрек үніне, қыздардың намысын қорғаған ерлігіне, күнәсіз күйіп кеткен
келбетіне бас иеміз.
Мұғалім:
Желтоқсан
құрбандарын еске алып, 1 минут үнсіздік жариялаймыз.
Ж.Ә.Тінәлиевтің
«Желтоқсан желі» әні орындалады.
1-оқушы
Атыңнан айналайын егемен ел,
Тәуелсіз күнің бүгін кенеле бер,
Мейрамың құтты болсын, тәуелсіздік!
Ғасырдың тойы болшы келе берер.
2-оқушы
Тәуелсіздік биік болсын,тұғырың.
Тарылмасын терең алған тынысың.
Әрбір күнің
жаңалыққа толы боп,
Ұзақ
болсын, ұзақ болсын ғұмырың.
3-оқушы
16желтоқсан-Тәуелсіздік
алған күн
Ерекше боп ел
жадында қалған күн,
Жасай берсін
ұлы күн үміті боп елімнің,
Желбіресін
көк туы-нағыз көркі жерімнің.
Хор: «Көк тудың желбірегені»
І жүргізуші:
Тәуелсіздігіміз
жарияланғаннан кейінгі аз уақытта өңіміз түгіл түсімізге
енбеген оқиғалар
болды, сол жетістіктерді атап өтейікші.
ІІ жүргізуші:
Желтоқсан оқиғасы-
біздің тәуелсіздігімізді дүние жүзіне мойындатқан күн.
1991 жылы
16-желтоқсан – ел тарихында кейінгі ұрпақ мәңгі қастерлеп, ардақтап өтетін күн.
1991 жылы 1-
желтоқсанда еліміздің түңғыш президенті
Нұрсұлтан Әбішұлы Назарбаев сайланды.
1991 жылы 29- тамызда Семей полигоны жабылды.
1992 жылы 2- наурызда ҚР дүниежүзіндегі ең ықпалды және беделді
Біріккен Ұлттар Ұйымына мүше болды.
І жүргізуші:
1992 жылы 8- мамырда кең байтақ елімізді
қорғайтын қуатты Республика Ұланы құрылды.
1992 жылы
4- маусымда ҚР-ң Жоғарғы
Кеңесінің сессиясында еліміздің мемлекеттік рәміздері қабылданды.
1993 жылы 15- қарашада мемлекетіміздің
ұлттық валютасы теңге айналымға енді.
І жүргізуші:
Армандаған күнге де жеттік.
Мемлекеттік егемендігімізді алып,
тәуелсіз ел болдық.
Президент туралы:
Халых Дильназ
ІІ жүргізуші: Тәуелсіздіктіңкөк байрағы желбіреп, әнұран қабылданды. Қазақтың жаңа астанасы бой көтеріп, әлемді
сүйсіндірді, сұлулығымен таң қалдырды. Бас аяғы 25 жылдың ішінде Қазақстанды
бүкіл әлем таныды.
Ойын: «Мен өскенде ... Еліме
үлесімді қосамын.» (қалпақ,сиқырлы таяқ)
1-оқушы:
Қазақстан! Туды
алтын дәуірің,
Алғандайсың
жұлдыздардың жарығын.
Алтын заңың құтты
болсын, қымбаттым,
Туған күнің құтты
болсын, алыбым!
2-оқушы:
Армандарды жақындатып тым алыс,
Біздің жаққа жеткен екен жылы ағыс.
Егемендік- ел бақыты, ертеңі,
О, халайық, құтты болсын қуаныш!
3-оқушы:
Қазақстан қасиетті ұғым бұл,
Ей, келешек, жан тәніңмен ұғын, біл.
Он бір әріп не мағына береді,
Ал толғайық жеткенінше қызыл тіл.
Т – білдіреді теңдікті,
Ә — әдептілік, әлдікті.
У – уайымсыз уақытты,
Е – егемендік елдікті
Л – дейді лағып лепірме
С – сенімділік секілді ең,
І – ілтипат пен ізет қой,
З – зиялылық тілек қой.
Д – шақырады достыққа,
К – дейді күн боп көктегі
Көз алартпа, көршілерге қол сұқпа!
1-оқушы
:
25 жыл, тәуелсізбін, дербеспін
Күмәндана қоймас бүгін енді ешкім
Бодандығым ғасырларға жалғасқан
Қазір, міне артта қалды келмес күн
2-оқушы:
Тауелсіздік тұғыры ғой бұл елдің,
25 жасың құтты болсын нұр елім.
25 жылда шықтың талай белеске,
Қазақстан жасай берші гүл елім
4-оқушы:
Әрқашан да мақтанамын жеріме,
Қазыналы, дархан, байтақ еліме.
Ешбір қала тең келе алмас өзіңе,
Тілеймін мен бейбітшілік еліме.
І-жүргізуші:
Туған жерді сүю – парыз
Сүю үшін білу – парыз
Қасиетін ұғу – парыз
Күзетіне тұру – парыз
ІІ-жүргізуші
Құтты болсын тәуелсіздік мерекесі,
Мықты болсын елімнің керегесі.
Татту-тәтті боп халқымыз әрқашан,
Кетпесін туған жердің берекесі.
Ән: «Атамекен»
І-жүргізуші.
Құрметті ұстаздар, қонақтар, оқушылар! Бүгінгі
«Еркіндігі елімнің - Тәуелсіздік!» атты тәрбие сағатымызды аяқтаймыз.