Ұмытшақтыққа негізінен 2 жағдай себеп бола алады. Мұның бірі -сабақтың ауырлығы, үйірмелерге қатысу, тапсырмалардың көптігі. Сондықтан оқуды шама-шарқыңа қарай оқығаның жөн.
Екінші зиянды әсерлер: қандағы холестериннің артуы, қимыл-қозғалыстың аздығы, теледидар мен компьютердің алдында ұзақ отыру, титықтап шаршау, дұрыс тамақтанбау. Міне осылар қан мен миға оттегінің жеткілікті мөлшерде жетуіне кедергі жасайды.
Осы себептен бас ауырып адам ағзасы әлсірейді. Сондықтан құрамында мырышы бар кәдімгі майшабақ, сиырдың бауыр еті және теңіз өнімдерін, сарымсақ, жаңғақ, қызылша, цитрус тұқымдастарын, ашытылған қырыққабат, сияқты көкеністерді көп жеген дұрыс. Итмұрын тұнбасын ішіп жүрсең, ми жасушаларының белсенділігі артады.