Отанға деген сүйіспеншілікпен
Тәуелсіздік... Тәуелсіздік - тәтті сөз. Құлаққа жағымды, жүрекке жылы естіледі. Оны тиісті, қалыпты құбылыс деп қабылдайтын жандар аз емес. «Ұлан-ғайыр мүмкіндіктер баршаға беріледі, бірақ көп жандар олармен ұшырасқанын сезбейді де» деп ойшыл Даннинг айтқандай тәуелсіздігіміз - баға жетпес мұра. Тәуелсіздік терең ұғым, оның түп-тамыры қазақ тарихының түп қойнауында жатыр. Бұл сөз алтын ғасырлардан, дүбірлеп өткен дүниеден, айшықты алаштан, арынды батырлардан, қилы замандардан сыр шертеді.
Қазақстан егемен ел болып, тәуелсіздік алған күннен Елбасымыз тәй-тәй басқан халқының тәуелсіздік көшін бастап, асқар асулардан асып, келешекке нық қадам басып келе жатыр. «Алдыңда не күтіп тұр, соны ойла, игі мақсатқа тура жүрген жетеді» деп Фирдоуси айтпақшы ел үмітін мен сенімін арқалап, ғасырлар бойы ата-бабамыз аңсаған, арман болған тәуелсіздікті ту етіп, жақсылықтың жалауындай жарқ етіп, бұлт артынан нұрын шашқан күндей елін жарқын болашаққа жетелей білді. Діні мен тілі, тарихы мен әдет-ғұрпы жылдар бойы бұғауда болған ұлтының мәртебесін көтеріп ұлт ұлы атанды, еркіндік пен елдікті сезінген елінің еңсесін көтерді.
Теңдігіміздің, егемендігіміздің куәсі Қазақстан Республикасының Ата Заңы, ұлттық рәміздері, төл теңгесі, мемлекеттік тілі – ұлт мақтанышы.
«Байлық – байлыққа ие болуда емес, оны ұқсата білуде» демекші ұлт байлығы ана тіліміздің тұғыры биікке көтеріліп, салт-дәстүріміз, әдет-ғұрпымыз жаңғырып, дініміздің мәртебесі айшықталып, елдіктің, егемендіктің жолында зиялы өмірлерін құрбан еткен талай саңлақтардың аты ақталып қазақ халқы басынан өткен бар қиындықты сырт киімдей сыпырып тастап, жаңа өмірге қадам басты. Жаңа елге жаңа астана сайланып, Астана қаласы бой көтерді. Астана – мемлекетіміздің символы. Астана- еліміздің бас қаласы. Елбасымыздың бастамасымен астанаға айналған қала аз уақыттың ішінде әсем, көркем, сәулетті, басқа елдер қызығып қарайтын бәсекеге қабілетті қала болды. Онда «Қазақ елі» монументі, «Бәйтерек» мұнарасы, «Нұр Астана» мешіті, «Думан» ойын сауық орталығы, «Хан шатыр» сауда орталығы ерекше орын алады. Биік ғимараттар, гүлденген көшелер, сәулетті ескерткіштер барлығы Астаның мәртебесін білдіреді.
Жаңадан салынған «Астана Опера» театры қазақ мәдениетінің қарыштап дамығанын, биік деңгейде екенін көрсетеді.
«Бүгінгі бір күн ертеңгі екі күнге татиды» демекші егемендіктің алғашқы жылдарында-ақ Президенттің бастамасымен eліміз орасан жетістіктерге қoл жeткізуі үшін мынадай ұзақ мeрзімді жeті басымдықты іскe асыру жоспарлады: ұлттық қауіпсіздік; ішкі саяси тұрақтылық пен қоғамның топтасуы; экономикалық өсу; Қазақстан азаматтарының денсаулығы, білімі мен әл-ауқаты; энергетика ресурстары; инфрақұрылым; кәсіби мемлекет. Қазақстан - бұл ең күрделі жылдары ТМД бойынша өзінің жол нұсқайтын шамшырағы - 2030 жылға дейінгі ұзақ мерзімді даму стратегиясын жасаған тұңғыш ел.
Төле би елдің ауызбіршілігі жайында айтқан «Бірлік жоқ жерде – тірлік жоқ» деген сөзі осы тұста қазақстандықтар үшін ұран болғандай. Бұл ұзақ мерзімді жоспар дәл осы кезеңде тоқыраудан шығудың амалы еді. Бүгінде әлем саясаткерлері еліміздің бұл даму жолын «Қазақстандық жол» деп қызыға қарайды. «Үдеудің сыры – бірлікте, жүдеудің сыры алауыздықта» дегендей шынында, қандай қиындық, қандай кемшілік болса да, осы бағыт өркендеуге жол ашты. Ел жаңаша күнкөріске икемделді және жаңа заманның тірлігін игеріп әкетті. Нәтижесі – Қазақстан бүгінде әлемдік қоғамдастық үшін экономикалық-инвестициялық тұрғыда қолайлы да тұрақты серіктестікке айналды. Сонымен Қазақстан тәуелсіз ел атанып, дербес мемлекет құрғанына 24 жыл болды. Тарих қойнауына өткен бұл кезеңде Қазақстан әлем аренасында үлкен беделге ие болып, іргетасы берік орнықты. Төрткүл дүние қазақтың кім екенін танып білді.
Тәуелсіздік жылдарында да Қазақстанды дағдарыс шарпып өткен шақта халықты тығырықтан шығару мақсатында «Жол картасы», «Жүз мектеп, жүз аурухана» сынды бағдарламалар жүргізіліп, халықтың әлеуметтік ахуалын жоғарылатты. Қазақстанның түкпір-түкпірінде қирап қалған мыңдаған мәдени нысандар қалпына келтіріліп, жаңадан тұрғызылып, «Жасыл Ел» бағдарламасы бойынша абаттандырылып, елді мекендердің көркі келді, жұрт қуанышқа бөленді. Ауыл шарушылығы мен шағын кәсіпкерлікке мемлекет тарапынан қолдау көрсетіліп, ел тынысы кеңіді. Мұнай өндіру, кен өндіру, машина жасау тағы басқа ірі кәсіпорындар іске қосылып, Қазақстан экономикасы жылдам дамып, шетелдерге өз тауарын тәуелсіздік тұсында жалғанған су, темір, әуе, тас жолдары арқылы тасымалдауда.
«Бұл заман білекке сенетін емес, білімге сенетін заман» деген сөзінен танбайтын президенттің жастарға, жастар мәселесіне, олардың тиянақты да терең білім алуына бар мүмкіншілікті жасап отырғаны оның көрегенділігінің белгісі. Сондықтан да жастардың сапалы білім, саналы тәлім-тәрбие алып, саламатты болып өсуі-мемлекеттік саясаттың басым бағыттарының бірі. Ұлт көшбасшысы, Елбасы жастарға ерекше сенім арта отырып, жастардың жағдайын жасауға баса назар аударады. «Бұл заман білекке сенетін емес, білімге сенетін заман» деген сөзінен танбайтын президенттің жастарға, жастар мәселесіне, олардың тиянақты да терең білім алуына бар мүмкіншілікті жасап отырғаны оның көрегенділігінің белгісі. Сондықтан да жастардың сапалы білім, саналы тәлім-тәрбие алып, саламатты болып өсуі-мемлекеттік саясаттың басым бағыттарының бірі. Ұлт көшбасшысы, Елбасы жастарға ерекше сенім арта отырып, жастардың жағдайын жасауға баса назар аударады. «Тәрбие басы – тал бесікте» екенін ескерсек, елдің ертеңін жалғастырар жастар арасында осындай жастар саясатын жүргізу оң жемісін беріп, ұрпағымыздың шынайы патриот боп өсуіне себепші болары сөзсіз.