Көктем шуағы
Жыл мезгілінің қай –қайсысын да бөліп жара алмайды ғой адамзат. Себебі «Табиғатта жаман күн болмайды» дейді орыс халқы. Дей тұрсақ та жыл мезгілдерінің ішінен мен көктем мезгілін ерекше жақсы көремін. Онда тұрған таңқаларлық ештеңе жоқ деп ойлаймын.Көктем маған қуаныш сезімін, ерекше көтеріңкі көңіл-күй, тамаша аура сыйлайды. Көктемнің алғашқы шуағы ұзақ созылған қылышын сүйреткен қаһарлы қыстың өткенін, енді саршұнақ аяздардың, көз аштырмас боранды күндердің артта қалғанын, жаңа қызықты да қуанышты уақыттың келгенін жариялап тұрғандай. Күн күлімдеп, қар еріп, шатырлардан су тамшылап, жылғалардан су жылтырап жылжып жатыр. Айнала ән салып көктемнің келгеніне қуанып жатқандай. Мен әсіресе көктемгі тамшылар хорын тыңдауды ұнатамын. Бұл аязды қыстан шаршаған табиғаттың ештеңемен тең келмейтін ерекше әуені.
Түнгі уақытта салқын, тіпті аяз да бар, қыс оңайлықпен берісер емес. Ал, күндіз көктем өз билігін құрады. Ақ ұлпа қар күннен күнге азайып, құстар ән салып көктемге қошемет көрсетуде. Ағаштар қысқы ұйқысынан оянып, бүршік жаруда. Әр бұтаұта бір жапырақ қылаң береді.Тіпті көктемнің желі де қыстікіндей емес.Көктем желі салқын болғанмен, сені сипап, мейіріммен жұпар шашады.
Барлық табиғат үшін көктемде жаңару, жаңа өмір басталады. Мұны байқау үшін тек көктемгі орманға бару керек. Орманда жеңілдік пен қуаныш сезімі барлық жерден сезіледі. Күннің алғашқы шуағы қардан, мұздан арылған жер ананы жылытуда. Күнның көзі құдды бір орман тиіндеріндей ұйқыдан оянған ағаштан-ағашқа секіріп,билеуде. Қары еріп, күн көзі әлдеқашан жылытып үлгерген жерлерде алғашқы көктем гүлдері қылаң беруде. Бұл әрине, сұлу бәйшешек қой! Бірақ, әлі кейбір жерлерде қарайып қалған,еріп үлгермеген қар жатыр, ал мына нәзік көкшіл гүлдердің үлбіреп жарық пен жылуға бойындарын созып,талпынуы көзіңді қуантады. Бәйшешектер алқапта қаулап шыққанына қарасаң, жерде көгілдір аспанның бір бөлігі жатқандай әсер қалдырады. Гүлдерді жұлуға қимайсың, әсем гүлдерді тамашалағаныңның өзі сонша қуаныш сыйлайды адамға.
Шынында, көктем-көп күттіріп келетін мезгіл. Жаңбырлы күзден соң, салқын, аязды қыстың артынан күлімдеп көктем келеді.