Достық – қымбат өмірде.
«Доссыз – адам, тұзсыз - тағам» деген қазақта жақсы сөз бар. Бұл сөздің мағынасы өте тереңде жатыр. Айналамызды қанша жерден ата – анамыз, тума – туыс, сыныптастар, жұмыстар қоршап тұрса да, достардың орны тым бөлек. Өйткені, ата – анаға немесе басқа таныстарға айта алмайтын жан сырыңды тек доспен бөлісіп, доспен сырласуға болады. Достық – дүниедегі ең ұлы сезімдердің бірі. Достар деген бір - біріне адал, қалтқысыз сенетін, жанашыр, қамқор, ортақ көзқарасты ұстанатын жандар. Сондықтан адам дос таңдауда қателеспеуі керек. Достық адамдардың ең алдымен бір-біріне деген сенуінен басталады. Досына қарап адамның қандай екенін танып білуге болады.
Әр адам өмірге келгеннен кейін, ішкі дүниесіндегі сырын, шерін тарқатып, қуанышы мен қайғысын бөлісетін дос іздейді. Досты табу оңай, ал оны сақтау өте қиын. Достық қатынасқа нәзіктікпен қарап, берік сақтап, адалдықпен жауап беру керек. Достық қайтарымын қажет етпей, қайтарымсыз көмек беру. Түсінушілік пен сенім – достықты берік ететін діңгек саналады.. Өзі шынайы дос бола білген адамның достары да көп болады және жер бетінде өзін жалғыз сезінбейді. Адамның достары көп болуы мүмкін, ал нағыз жанашыр жан досы біреу болары сөзсіз Шынайы адам ғана басқа адамдардан шынайылық күтеді. Бір дос қораңнан мал кеткенше дос болады, ал енді бір дос кеудеңнен жан кеткенше дос болады. Кей адамдар әулеттерімен, бала – шағаларымен араласып – құраласып, тұтас бір үлкен отбасыдай көрінеді. Жақсы дос тіпті туған – туыстарыңнан да артық жаныңа жақын болып кетуі мүмкін. Өкінішке орай бұл өмірде достардың бәрі шынайы және адал дос бола бермейді.Адал достан бөлек амал достар да кездесіп жатады. Қастық пен көреалмаушылық, күншілдік сияқты қасиеттер достықтық жаулары. Мұндай сезімге бой алдырғандар басқаның жақсылығын, қуанышын, байлығын көре алмайды, дос дегеннің не екендігін білмейді.
Ел аузына достық туралы мақал – мәтелдер мен дәйек сөздер жетерлік:
«Дос — ажарың, жолдас — базарың.», «Азаматпен дос бол, қадіріңді біледі.»,
«Досы көпті жау алмас», «Дос жылатып айтады, дұшпан күлдіріп айтады», «Досы жақсының, өзі де жақсы», «Алтын берген – дос емес, ақыл берген – дос». Осы сөздердің мағынасына қарап халқымыздың ежелден достықты қадір тұтқанын байқауға болады. Қандай қиын кездерге тап бола қалсаң жанашырлық танытып, көмек қолын созатын жандардың бар екенін білу үлкен бақыт! Адал достық – алтыннан да қымбат.