Шығарма
Еңбек етсең ерінбей…….
Көз алдыңа елестетіп қарасаң айналадағының бәрі тек еңбек арқылы келгенін білесің.Еңбек еткенге бәрі бар.Киер киімің ,жер асың сол еңбекпен келетінін кейбір жандар түсіне білмейді,түсігісі де келмейді. Ал сен оған айтып әлдексің.Бірақ түбі ол үшін жақсы болмайтынын сен білесің .Себебі ол еңбектің не екенін айыра алмайды.
Қазіргі уақытта адам үшін барлық жағдай жасалған .Техниканың даму кезеңі.Ас пісіру де ,ыдыс ,киім жуу да барлығы қолмен жасалмайды.адам қайдан жалқау болмасын.Басымен ойлап,қолымен кеспесе.Жастар қайдан жұмыс жасасын.Жатыр ішер жалқаулардың көп болуы да содан дер едім.
Осыдан 30-40 жыл бұрынғы өмірді салыстырсаң адам сенбес.анамыз да, әкемізде таңның атысы ,күннің батысы отбасы үшін қаншама шаруа атқарады.Таңда көздерін сипап тұрғаннан от жағу,су тасу,күл алу,тамақ пісіру,кір жуу,құрт қайнату,киіз басу,балаға қарау (қазіргідей 1-2 бала емес,7-8,арты 10-11 баладан) басқасын айтпаған да.Кештің қалай батқанын білмей де қалады.Бала қандай болды ұялы телефон,телевизор жоқ.Жарқырап киетін киімде жоқ.Сонда да далада қалған жоқпыз.Ата-анамыздың еңбегінің арқасында нағыз адам болып бір ауырмай,бір күймей өсіп өндік.Мен еңбектің қадірін түсінемін.Бала болсам да жаздың ыстық аптабында күніне неше рет көже асып әкеме жағдайын жасап мәртебесін көтерген анама басымды иемін әлі күнге дейін.Әкем жәй тракторист болды.Шөп шапты,елге адал қызмет етті.Аудандық, облыстық мәжілістердің депутаты болды ,бірнеше ордень,медальдар алды.Сол кездің құрметті азаматы болып газет беттерінен түспеді.Сол жетістікке еңбектің арқасында жетті.Мен әлі күнге сол кезді көз алдыма келтірсем біздің жасап жүргеніміз бер жағы ғана ғой дер едім.Еңбектің нағыз кермек дәмін ата-аналарымыз көрді .
Өзім қазір білім саласында көп жылдан бері еңбек етіп келемін.Алдымдағы шәкірттеріме де еңбек туралы айтар болсам мен әрқашан әкем жайлы сөз қозғаймын.
Мен де ерінбей еңбек етуге ұмтыламын.Кейбір әріптестеріме де сөз арасында « Еңбек етсең- емерсің» деп бекерге айтпаған,алға ұмтылыңдар деймін.
«Жалқаулар жатып ішер арам тамақ,ондайлар болады ғой елге салмақ» деп атамыз жырлап кеткендей еріншектерден арылып,ел үшін өз үлесімізді қоссақ нұр үстіне нұр болары анық.
Еңбек адамды қуанышқа,бақытқа жетелейді.Сен сол көштен қалып қойма.Өз үлесіңді қос.Еңбек ет,еңбек ет басқа не айтуға болады болашақ ұрпаққа.