Бағалы сыйлық
Артық ғылым кітапта,
Ерінбей оқып көруге,- деп Абай атамыз жырлағандай, бар ғылымның бастауы болған құнды дүние - кітаптан асқан сыйлық болмас. Олай дейтініміз, туған ауылындағы жас өркендерді қалың жұртшылыққа таныстырып жүрген, Қазақстан Республикасының Жазушылар Одағының мүшесі Табын Жұмабек Құтжанұлы ағамыз наурыз айында келіп, көрнекті балалар газет-журналдарының журналисттері Құл-Керім Елемес, Саят Қамшыгер, Бекзат Смадияр, күйші Еламан Елемес атты кісілерді ертіп келіп, балалармен жолықтырып, жас ақындарымыз Әбдіраш Назерке, Оңалбек Тоғжан, Тыныштықбай Балнұр, Жеңісбекқызы Жанерке, Мұқаш Сымбат, Тұрсынбай Ілиястардың өлеңдерін республикалық басылым беттеріне жариялады.
Ал енді күз айында, нақтырақ айтсақ, ауылымыздың 70 жылдығы қарсаңында келіп, мектебіміздің кітапханасына өз отбасының атынан жары, «Жас алаш» газетінің тілшісі Гүлзат Нұрмолдақызымен бірге жеке кітапханасынан 165 дана көркем әдебиет пен балалар әдебиетін тарту етті. Сонымен қатар, елімізге белгілі дәстүрлі әншілер Еркін Шүкіман мен Нұржан Жанпейісовтер келіп әннен шашу шашса, көрнекті ақын Құл-Керім Елемес ағамыз Жуантөбенің тойына жыр арнады. Жас ұрпақтың бойына сіңіріп жүрген өлшеусіз еңбегіне, бағалы сыйлықтарына үлкен алғыс айтамыз.
Ләйла Оңалбекқызы
С.Сейфуллин атындағы жалпы орта мектебі
Жуантөбе ауылы