Білім беру саласы: Таным
Бөлімі: Қоршаған орта.
Тақырыбы: «9 мамыр-Жеңіс күні!»
Мақсаты: Жеңіс күні туралы түсінік беру. Батыр аталарымыз бен апаларымыздың
ерліктерімен таныстыру. Балалардың ақыл-ойын, қиялын, тілін, сөз байлығын, ән айту
қабілетін дамыту. Балаларды ұлтжандылыққа, отансүйгіштікке , елін, жерін сүйетін
батыл азамат болуға тәрбиелеу.
Қажетті көрнекі құралдар: әскери адамдар туралы мазмұнды суреттер.
Әдіс-тәсілдері: көрсету, түсіндіру, сұрақ-жауап, әңгімелесу, ойын.
Сөздік жұмыс: жеңіс
Билингвальды компонент: отан-родина
Оқу іс- әрекетінің кезеңдері | Тәрбиешінің іс- әрекеті | Балалардың іс әрекеті |
Мотивация-лық қозғаушы-лық | Шаттық шеңбер. Күлімде, күн күлімде, Жер жасарып көгерсін. Кешегіндей бүгін де, Қанат қақсын көгершін | Балалар дөңгелене тұрып, өлең жолдарын қайталайды. |
Ұйымдастырушылық- ізденушілік | Әңгіме жүргізу. -9 Мамыр-Жеңіс күні мерекесі. Біздің Отанымызды, туған жерімізді ержүрек ағаларымыз, апаларымыз сыртқы жаудан қорғап қалды. Жеңіс мерекесі елімізде жыл сайын тойланады. Суретпен жұмыс. -Балалар, бұл суретте 28-панфиловшылар саябағы бейнеленген. Осы саябақта соғыста ерлікпен күрескен ағаларымыздың ескерткіші бар. Сол жерде мәңгілік өшпейтін алау оты бар. Алау отына ардагер аталарымыз, апаларымыз гүл шоқтарын қояды. -Балалар, қазақ халқының Бауыржан Момышұлы, Әлия Молдағұлова, Маншүк Маметова сынды батыр ұлдары мен қыздары бар. Сол жерде мәңгілік өшпейтін алау оты бар. Алау отына ардагер аталарымыз, апаларымыз гүл шоқтарын қояды. | Балаларға ой тастау. Балалар есімдерді қайталап айтады. |
Ұйымдастырушылық-ізденушілік | Олар бізді жаудан қорғап, жерімізді жауға бермей алып қалды. -Балалар, сендер де осы аталарың, апаларын сияқты батыр болғыларын келе ме? Сергіту сәті. Ақ көгершін, көгершін Қол қанат құс сен едің. Бар кезіп қайт ел үшін, Кең дүиенің көлемін. - Балалардан тақпақтар сұралады. | Балалар есімдерді қайталап айтады. Балалардың жауаптары тыңдалады. Балалар қимыл-қозғалыспен жасайды. Азимжан: Алақай-ай! Әйгілі Тоғызыншы май бүгін. Алғаш күні шаттықтың Соңғы күні қайғының Арай: Жеңіс келді ән болып, Келді ауылға сән болып. Наурызғали: Кіп- кішкентай баламын, Ертең менде өскенде, Ел қорғауға барамын. |
| -Балалар жер шары балаларының тілегі не? Дұрыс айтасыңдар, балалар барлық жер шарындағы балалардың тілегі осындай екен, ендеше балалардың тілегіне «Әр қашан күн сөнбесін» өленің айтайық. | -Бейбітшілік болсын! -Соғыс болмасын! -Достық болсын! Балалар өлең жолдарын айтады. |
Рефлекция лық түзетушілік | Қимылды ойын: «Өз орнын табу» Мақсаты: Балалардың түстер туралы түсініктерін бекіту, жылдамдыққа, ептілікке баулу. Шарты: қызыл, жасыл, сары жалаушалардың түстеріне қарай топтасу. Әңгімелеу арқылы қорытындылау. | Балалар қызыға ойнайды. |
Күтілетін нәтиже:
Біледі: жеңіс мерекесінің басқа мерекелерден айырмашылығын:
Игереді: батырлардың есімдерін есте сақтап, патриоттық өлеңдерді жаттап, олардың
мағынасын түсіне білуді:
Меңгереді: батырлық, жеңіс деген ұғымдарды.