БҰЛ ЖАЛҒАН ЖЫЛДАМ ЖАРЫСТАЙ...
Ең әлсіз жан пенде екен ,
Ақылға адам кенде екен .
Байлыққа баттым демеңіз ,
Бейшара болу демде екен.
Дүние кезек дембе дем ,
Өмірге екі келмеген .
Азғындатар адамды ,
Арақты ешкім жеңбеген .
Нан тәтті тапсаң терменен ,
Езілме қайғы шерменен.
Жүгіруге қызықпас ,
Аяңдап жүріп , желмеген .
Күй туады пернеден ,
Үміттің оты сөнбеген .
Су қадірін біледі ,
Апталап , айлап шөлдеген .
Адамға қиын сенбеген ,
Рухани азық термеден .
Іштегі шерді басатын,
Күй қымбаттау көмбеден .
Жарысқан жүйрік желменен ,
Ешкімге бәйге бермеген .
Мың қауіп күнде төнгенмен ,
Ажалсыз пенде өлмеген.
16
Алдыңа келген кісінің ,
Бітуін ойла ісінің .
Кезікпеймін деген кезігер,
Түседі тағы ісі мың .
Көргенің қызық елменен
Байланысты өмір теңгемен .
Ағаның жақсы тұруы ,
Сыйлайтын сұлу жеңгеден .
Жылы сөз жанды емдеген ,
Екі сөйлемес ер деген .
Қыңырлау , қарау , қисықты
Бір Алла өзі жөндеген .
Сөз семсер -шешен сермеген ,
Бір өлген қайта келмеген .
Бұл жалған-жылдам жарыстай ,
Тоқтаусыз өрге өрлеген.
25.06.2004жыл.