ӨТПЕЛІ ӨМІР...
Кімге сенем , кімнен сүйеу табамын?
Жаным жүдеу, аузын аштым жараның .
Қадым сайын сатқындықпен арбастым ,
Күншілдермен күле алмай да барамын .
Сағат соғып , сыртылдайды сыр тілеп ,
Көктем көңіл кідіреді күркіреп.
Алыстағы аңсары ауған адамға ,
Жетпей жүрер бір жылы сөз , бір тілек.
Жұмыс бітсе қуанамыз күн өтіп ,
Қысқарды өмір , білмейміз-ау зыр етіп .
Жаны жайсаң ,болды лайсаң , арақтан ,
Жүрегімен кім ойланар дір етіп.
Құйтырқылау , алмағайып заман да,
Бірінші тұр қызмет ,байлық ,шамамда .
Мықты болсаң көтереді аспанға ,
Әлсіз болсаң жаныштайды табанда .
Қараңғылық тұманданды байлықпен ,
Күн көру де қиын жалғыз айлықпен .
Оңай боп тұр дос болу мен қас болу,
Екі жүзден қара бетті айырып па ең?
Нарық заман ажыратты араны ,
Айқындатты ақ пен және қараны.
Ескілікке есі кеткен есіл ер ,
Ұятты қойып «Базар» боп тұр жаңа әні.
15
Нарық келді , халық көзің ашылды ,
Мына өмір жақтырмайды масылды
Байығанмен , мал көбейтіп ,үй салып ,
Жан дүниеңнен жоғалттың көп асылды .
Көп жағдайда шашыласың бекерге ,
Өтпелі өмір , не айтасың кетерде ?
Рухты тербет ,иманды үйір , арды ойла ,
Адамдыққа ұлылығың жетер ме?
Жаның бұлақ , тәнің шырақ өшірме ,
Жайнап жүргін , жалғандықты кешір де .
Қатты күлме , жылап тұрған адам бар,
Кесапаттық ұрындырар кесірге .
Тірі кезде қаланады мүсінің ,
Үлкен болып қамын жесең кішінің .
Халқым -қуат, елім-жұмақ , төреші ,
Азаматтың әрбір мәнді ісінің .
24.06.2004жыл.