Үмітім бір күн ақталар .
Жүректің таппай бір емін ,
Қиналған сәттер көп менде .
Сарғайды ағаш , гүл , егін ,
Қоңыр күз тағы жеткен бе ?
Қалайша өмір сүремін ?
Ойлана берем өткенге .
Өзгерген мінез , реңім ,
Орта жас келіп жеткен бе ?
Тұйықтау болып мінезім ,
Арзандау күлкі жоғалды .
Кешегі қайда гүл-сезім?
Жүруші ем ылғи топ алды .
Кешегі қайда серілік ?
Жалынды жастық өң берген.
Шырқасақ әнді беріліп ,
Арулар көзін төңкерген .
Жаттықтым суық қарумен ,
Шынықтым жетіп қалпыма .
Сыйластым асыл арумен ,
Тағдырын салмай талқыға .
Жекпе-жек шыққан шығыстан ,
Бір-бірін жан-тән ұғысқан .
Болсам деп алда тырысқам ,
Көп болды досым туыстан .
Үйренем деумен өнерді ,
Қинадым қатты жанымды . 7
Киманом термен көнерді ,
Таппадым күн-түн дамылды .
Кетпеші жүрек күйреліп ,
Өнермен жастар бақ табар.
Ұрпағым өнер үйреніп ,
Үмітім бір күн ақталар!!!
31.08.2003жыл