Ару сыры
Жүректің қылын тербетіп,
Сағынышымды мәңгі етіп.
Үніңді есітіп жете алмай,
Тағдырдан асып кете алмай,
Шегіме жеттім шөлдетіп...
Адамдық жолдан аспадым,
Өмір де екен қас қағым.
Арнадым өмір бауырға,
Қыздың қыл жолы ауыр да.
Өтіпті лезде жас шағым...
Ата-ана барда бірге едік,
Ажырамайтын түрде едік.
Айналып олар сағымға,
Күрес боп жалған ағында,
Уайымсыз өмір сүрмедік...
Қартайып мен де барамын,
Бауыр боп көңіл алаңым.
Ұлдарын сүйдім «Ұлым»-деп,
Қыздарын «Гүлім - шырын»-деп,
Жәутеңдеп тағы қарадым...
Шаңырағым болып шайқамай,
Өмірім өтті байқамай.
Перзент те сүйіп өппедім,
Арманға асыл жетпедім,
Барады шерім тарқамай...
18.04.2013жыл.