Сен аман бол Жер-Ана!!!
Өмірімнің жарып шыққан өзегін,
Жақсылығы мәңгі қалар сеземін.
Не тындырдық, не бітірдік, не білдік?
Саналы ойдың сағымымен кеземін...
Көңіл тулар алып қашар тұлпардай,
Жүрек қанат қағып бейне сұңқардай.
Адамдықтан алыптықты аңғардым,
Бір қыранға жете алмайды мың қарға-ай...
Даналыққа басымды иіп қуандым,
Жақсылықтың жеңеріне жұбандым.
Жақсы адам көп тіршілікті түрленткен,
Адамзаттың амандығын сұрандым...
Қандай ғажап ынтымақтан жаралсақ,
Табиғаттан тәрбиелі таралсақ.
Ғанибет қой пана болған әлемге,
Жер-Анаға біз де қамқор бола алсақ...
Жерден басқа көтере алмас басқа нар,
Жерден өнген жерді қайта жастанар.
Адамзаттың жерде аман қалуы,
Әр пенденің пиғылынан басталар...
12.04.2013жыл.