Жауқазын жанар қызғалтақ.
Арайлап атқан ақ таңнан,
Үніңді есітіп шаттанғам.
Жүректе жырсың жатталған,
Мәңгілік есте сақталған.
Өмірде үлгі із қалмақ!
Жауқазын жанар қызғалдақ.
Жүйткиді жалған бізді алдап,
Сия боп түстім Сізге арнап.
Арманға мені бастадың,
Шабытым сенсің асқақ үн.
Бәлкім сен менің жас шағым,
Өзгердім, мүлдем басқамын.
Құштармын «Өмір сүрем»-деп,
Сөздерің мені жүр емдеп.
Жеткенше құлаш мың сермеп,
Сағыныш саған тірелмек.
Әуені болдың жыр әннің,
Қасиеті қонып қыранның.
Арманы тұнық ұланның,
Тұмары текті Тұранның!
23.05.2009жыл.