Қоштасу.
Қоштасу қиын екен, жанға батты,
Қу жалған аз-ақ екен алдамапты.
Жүректе найзағайым күркіресе,
Табиғат ақ жауынмен жылап жатты.
Құдірет бар пендені сынамақ-ты,
Жаратып әсем әлем,гүл алапты.
Қуантып келгенімен саз тіршілік,
Ешқашан мәңгілікке тұра алмапты.
Өмір-ай,жаралғансың сұлулықтан,
Тұратын суықтықтан,жылылықтан.
Мәңгілік тартылыстай көрінесің,
Күн батса атуға асық,құнығып таң.
Бәрі алда неге сонша жасыдыңыз?
Тек өмір болсын сіздің ғашығыңыз.
Берілген өткінші өмір құдіреттен,
Парызды орындауға асығыңыз.
Қоштасу қиын екен, қалар елес,
Жақсыдан мәңгі азық алған кеңес.
Қоштасу сағындырып, кездестірер,
Өкінбе, бұл өмірдің соңы емес...
03.04.2009жыл.