Жазылмаған жан жүректе қаншама ән.
Жаңбыр жауып,гүлдер мені қоршады,
Жақсылықты жаным тілеп аңсаған.
Сұлулық-ай ынтықтырған баршаны,
Жазылмаған жан жүректе қаншама ән...
Жаңбыр құйды,сезімдерін селдетті,
Жүрегіме ұялады жылылық.
Көркем болып,көзді арбады келбетті,
Тамшылардай мөлдіреген тұнық ұқ.
Төгіп нөсер,моншақтары тырсылдап,
Жан жүректі гүл сезімге бастады.
Сырласады сері-жігіт,қыз-сұңғақ,
Бір-біріне елжірей көз тастады.
Жүректерді қуанышқа кенелтіп,
Кереметті жайып салды алдыңа.
Арманымен тағы жылды жөнелтіп,
Қайталанбас көктем келіп қалды ма?
Қиялымның көкжиегі көлбеңдеп,
Алғы күннен үмітімді үзбедім.
Қайда жүрсем мен өзіңе елеңдеп,
Алаңдаумен тек өзіңді іздедім...
04.03.2009жыл.