Ой-түйін.
Мен ешқашан мұңаймауға бекіндім,
Ешнәрсеге келмес тағы өкінгім.
Ішкі сенім,мейірім,ой,жақсы үміт,
Өмірге әсер берілетін секілді үн!
Адамдардың кешірімшіл болуы,
Берекеге,ырыс,құтқа толуы.
Көпшіл болу-көркейтеді көп істі,
Кекшіл болу-гүлдей қурап солуы.
Әрбір адам өз-өзіне жауапты,
Сезінсе ғой обал,борыш,сауапты.
Әрбір пенде сәби болып келгенде,
Күнәдан пәк,жазылмаған парақ-ты...
Әрбір адам көкке ұшар құстай-ды,
Бар тіршілік биіктікті нұсқайды.
Бір адамдар ұшақтардан түспесе,
Қаншама жан өмірінде ұшпайды...
Қаншама жан сұлулыққа шөлдеген,
Кейбір пенде өзін құртып,жерлеген.
Аш көздер бар дүниеге тоймаған,
Адамдар бар күн сәулесін көрмеген.
Білеміз бе еркіндіктің не екенін?
Құс та білер өзін туған мекенін.
Қартайғанда ұғынады бар адам,
Жастық шақтың кайталанбас шекерін...
Аман қалдық миллиондардың ішінен,
Жаратушы ұлылықтың күшімен.
Жақсылық тпен қайырымдылық жасауға,
Өмір бізге берілген деп түсінем
16.12.2008жыл.