Кетік – ежелден түбектің құрылысшы қаласы. Маңғыстаудың елді мекендері құрылысқа керек ақ тас пен әкті осыннан алып отырған. "Елде болса, ерінге тиеді" деп халқымыз бекер айтпаған ғой. Кетік тұрғындары үйлерін, қора-жайларын қиыршық тастан салып, ақ шағаладай етіп әктеп, өзі тұстас қалалар арасында құрылыс салудың өзгеге ұқсамайтын мәдениетімен ерекшеленген. Форт-Шевченкодағы ғибадатхана, күмбез тамдар, ескерткіштер, теңіз шамшырақтары - құрылыс салудың ертеден дамып келе жатқандығының айғағы.Қала төңірегіндегі баутин, Аташ, Қызылөзен және т.б. ауыл аймақтар Кетіктен үйреніп, құрылысты қалалық үлгімен жүргізуге машықтанған. Бір ғажабы, тек қана Маңғыстаудағы ғана емес, бүтіндей қазақстандағы алғашқы радиоантенналы телеграф Фортта орнатылған. Өлкедегі ең бірінші мәдени және білім ошағы да осында, Фортта, 1873 жылы ашылды.
Түбектің құт-қазаны түпқараған! Ия, қойнына құт пен қазынаны толтырған киелі қарашаңырақтың қасиетті де қадірлі жерлері таусылмақ емес.. Тарастың талы қалған соқта заман,
Талдырып кетсе-дағы тоқтамаған.
Тамшалы көз жасы ма Қайыбыңның
Тауыса алмай өткен Ақбөбек-ән.
Тарихтың талқысынан шыққан аман,
Тәуелсіз елдің Туын нық қадаған.
Төскейі төлге толы, кенге толы-
Түбектің құт-қазаны Түпқараған