Ағзаны тазалауға бөлінетін күнге арналған қарақұмық ботқасын мынандай тәсілмен дайындайсыз: қарақұмық ұнтағын жуып, бірнеше минут ыстық суға бұқтырасыз. Суын төгіп, қайтадан қайнаған су құясыз да, бетін жауып, таң атқанша қойып қоясыз. Бұдан оңай тәсілі де бар: жуылған қарақұмыққа су құйып, қайнағанша отқа қоясыз. Қайнаған соң отты өшіріп, бетін жауып, бір түнге қалдырасыз.
Ағзаны тазалауға арналған бір күнге 1-1,5 стакан дайын ботқа мен 1 литр айран қажет. Айран мен қарақұмықты әрқалай үйлестіруге болады:
- Әрбір тұтынар уақыттың алдында қарақұмыққа аз-аздан айран қосып отыру;
- Айранды тамақтанар алдында жарты сағат бұрын немесе тамақтанып болған соң жартты сағаттан кейін ішу.