Білгенге маржан
Төрт түліктің бірі-түйе, пірі-Ойсылқара.Түйе-байлық, жылқы-сәндік,сиыр-ақтық,қой-мырзалық,-деп бекер айтылмаса керек.Қазіргі уақытта түйе атауларын білмек түгілі түйені көріп жүргендер саны өте сирек. Назарларыңызға түйе атауларының аталуын ұсынамын.
Түйе атаулары:
1.Ойсылқара – ең алғаш түйе бағып, түйе атасы атанған Уайысхара есімді араб.
Ойсылқара – айыр түйенің ең алғашқы бурасы.
Айыр түйе – екі өркешті түйелердің атауы
Нар түйе – жалғыз өркешті түйелердің атауы
Бота, көшек – түйе төлінің жалпы атауы
Нарбота – аруананың жасқа толмаған төлі
Тайлақ – екі жасқа дейінгі төл
Сүттайлақ – былтырғы бота
Құнанша – үш жасар ұрғашы түйе
Дөненше – төрт жасар ұрғашы
Тығыршын – төрт жасқа әлі шықпаған түйе
Соқтан – еркек, пішпе, төрт жасқа шығар түйе
Буыршын – үлектен туған бура
Атан – ақталған, кексе ірі айыр түйе
Атанша – айыр түйенің бес жасары
Інген – айыр түйенің аналығы
Інгенше – бес жасқа жетпеген, боталамаған түйе
Мая – жалғыз өркешті түйенің аналығы
Аруана – жалғыз өркешті түйенің аналығы, таза тұқым
Нар – алғаш боталаған інген
Тұмса – жалғыз өркешті түйенің жалпы атауы
Үлек – жалғыз өркешті түйенің таза аталығы
Бура – айыр өркешті түйенің таза тұқымды аталығы
Желмая – жалғыз өркешті, жүйрік түйе
Жинақтаған: Жолжанова Гүлжазира Русланқызы
Абай атындағы орта мектебінің қазақ тілі мен әдебиеті пәні мұғалімі