Бақыт деген не?
Менің ойымша өмірдің мәні бақытта. Өмір сүріп жүріп бақытсыз болсаң, өмірдің еш қызығы болмайды. Себебі, өмірдің мәні оның игілікті болуында. Ал, бақыттың мазмұны әрбір адамның жеке өмірінің мұраты мен мақсатына тікелей байланысты. Адамдардың бақытты түсінуі әртүрлі. Біреу бақыт тек еңбекпен келеді десе, кейбірі бақытты тек ақшамен байланыстырады. Өз туған елінде, достары мен туыстары арасында тату-тәтті өмір сүру –нағыз бақыт деп санайтындар да өте көп. Махаббат – бақытты өмірдің тірегі екендігіне өмірде көз жеткізгендер де аз емес. Қозы мен Баян, Қыз Жібек пен Төлеген секілді нағыз махаббат иелері бұның куәсі.
Менің ойымша бақыт ақшада немесе байлықта емес. «Ақша бақыт емес, бірақ бақыттан қашық та емес» деген халық арасында қазіргі күнде көбірек айтылатын пікір бар. Мүмкін ақша көп нәрсені шешуге мүмкіндік берер. Бірақ дүниесін оң солына аямай шашқан қазіргі жаңа қазақтардың да шын ішкі дүниесіне үңіле қарасаң бақытсыз екенін көресің. Дана халқымыз «Таудай талап бергенше, бармақтай бақ берсін» деп ұрпағына ақ тілегін тілеген. Бақ ұшып жүрген құс секілді, кез-келген жерге қона бермейді. Нағыз бақыт менің бұл өмірде адам болғаным. Адам болып дүниеге келіп, адамша өмір сүру – менің ең үлкен мақсатым. Бақытты болу, қайғысыз өмір сүру кез-келген кісінің маңдайына бұйыра бермейді. Ал, бақытты бола білу әрбір адамның өз қолында.
Айнұр Асаинова,
9 «б» сынып оқушысы